Пракурор Віцебскай вобласці пастанавіў абмежаваць доступ да “недакладных звестак пра рэферэндум”
9 лютага 2022
Пракурор Віцебскай вобласці Ігар Украінец пастанавіў абмежаваць доступ да інтэрнэт-рэсурсаў zubr.media і xx2022.org. На яго меркаванне, гэтыя інфармацыйныя рэсурсы распаўсюджвалі інфармацыю, якая можа нанесці шкоду нацыянальным інтарэсам Рэспублікі Беларусь.
Паводле пракуратуры, на згаданых сайтах публікаваліся недакладныя звесткі пра лютаўскі рэферэндум па Канстытуцыі, а таксама незаконныя заклікі да грамадзян краіны псаваць бюлетэні падчас галасавання.
У прыватнасці, на сайце xx2022.org пракуратура ўбачыла заклік да псавання бюлетэняў для галасавання. А на сайце zubr.media ў артыкуле «Лукашэнка хоча, каб беларусы не ўдзельнічалі ў рэферэндуме» былі заўважаныя “недакладныя звесткі пра запланаваны рэферэндум”.
У сваёй пастанове Ігар Украінец указаў, што матэрыялы, выстаўленыя на сайтах, матывавалі грамадзян Рэспублікі Беларусь да супрацьпраўных паводзін, дыскрэдытавалі органы дзяржаўнай улады і ў цэлым Рэспубліку Беларусь, і пастанавіў доступ да сайтаў xx2022.org і zubr.media абмежаваць на шэсць месяцаў.
@bajmedia
У Віцебску склалі петыцыю з патрабаваннем пакараць абласную газету за непраўдзівую статыстычную інфармацыю
03.04.2024
«Прэсбол» пачыняе змяняць фармат: колькасць старонак газеты ад пачатку года скарацілася
10.01.2024
Супраць блогера Андрэя Павука распачалі справу паводле 13 крымінальных артыкулаў
19.03.2024
На Дзяды еўрапейскія дыпламаты наведалі Курапаты. Там іх чакаў дэсант дзяржаўнай прэсы
31.10.2023
