• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Расказаць людзям пра іх саміх: як ствараць і прасоўваць сацыяльна значны кантэнт? Гарадзенцаў запрашаюць на дыскусію

    У апошнія гады ў медыясупольнасці часцей і часцей можна пачуць выраз “новая сацыяльная журналістыка”. Што стаіць за гэтым азначэннем?

    https://baj.media/sites/default/files/event/preview/press-klub2.jpg

    Запрашаем падыскутаваць на гэту тэму разам з запрошанымі экспертамі:

    ГАННА ШУТАВА, кіраўніца прафесійнага выдання для рэкламістаў і маркетолагаў Marketing.by;

    АДАР’Я ГУШТЫН, рэдактарка часопіса “Имена”;

    ІРЫНА НОВІК, рэдактарка спецпраектаў партала Hrodna.life;

    Разам з гарадзенцамі эксперты паспрабуюць адказаць на наступныя пытанні:

    Культура, здароўе, адукацыя, беспрацоўе, пенсіі, інклюзія, ЖКГ: як у вялікай тэме знайсці чалавека і яго гісторыю?

    Як не толькі канстатаваць факт і расказаць пра праблему, але і прапанаваць спосабы яе вырашэння?

    Як праектам, ініцыятывам, арганізацыям, што дапамагаюць пэўнай сацыяльнай групе, зрабіць медыя партнерамі?

    Ці магчыма прасоўванне брэнда праз уздыманне праблемных тэмаў і спосабаў іх вырашэння? Навошта бізнэсу прымаць удзел у дыскусіі пра актуальныя праблемы мэтавых аўдыторый?

    На якія набалелыя пытанні беларускага грамадства бізнэс, трэці сектар і медыя могуць даць адказ разам?

    Гэтае мерапрыемства адрасавана журналістам і рэдактарам, актывістам і НДА , якім важна эфектыўна даносіць плён сваёй працы да самых розных аўдыторый. Таксама чакаем маркетолагаў, якія шукаюць новыя кейсы для эфектыўнага пазіцыянавання брэндаў, кампаній і зацікаўлены ў комплексным развіцці нішы рынка. Запрашаем супрацоўнікаў дзяржаўных сацыяльных установаў: сацыяльная дзяржава забяспечваецца не толькі адлічэннямі ў Фонд сацыяльнай абароны насельніцтва, але і якаснай камунікацыяй паміж усімі сектарамі грамадства.

    Калі: 7 верасня
    Дзе: Цэнтр гарадскога жыцця (Увага! Новы адрас! Вул. Кірава, 3)
    Пачатак: 18.30

    Арганізатары:
    Грамадская культурніцкая кампанія “Будзьма беларусамі!”
    Цэнтр даследавання грамадскага кіравання “СІМПА”
    Hrod­na Media Room
    “Цэнтр гарадскога жыцця”

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці