• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Саудаўская Аравія прызнала смерць журналіста Хашогі, затрыманыя 18 чалавек

    Журналіст Джамаль Хашогі мёртвы, да яго смерці прывяла бойка ў консульстве Саудаўскай Аравіі ў Стамбуле, паведамляе дзяржаўнае тэлебачанне са спасылкай на заяву генпракурора краіны Сауда аль-Муаджыба. Знікненне Хашогі прывяло да абвастрэння адносін паміж Эр-Рыядам, ЗША і Турцыяй. Дональд Трамп назваў гэтыя тлумачэнні вартымі даверу, паведамляе ВВС.

    У сувязі з гэтай справай адпраўленыя ў адстаўку намеснік начальніка разведкі Ахмад аль-Асіры і Сауд аль-Кахтані, старшы памочнік наследнага прынца Мухамеда ібн Салман аль-Сауда.

    Генпракурор паведаміў, што 18 саудаўскіх падданых былі затрыманыя ў рамках гэтага расследавання. Расследаванне працягваецца.

    СА ўпершыню прызнала, што журналіст, які знік пасля візіту ў консульства краіны ў Стамбуле, загінуў.

    Цела журналіста да гэтага часу не знойдзена.

    Напярэдадні стала вядома, што турэцкая паліцыя, расследуе абставіны знікнення Хашогі, шукае яго ў лесе на поўнач ад Стамбула і ў сельскай мясцовасці па суседству. У дзень знікнення бачылі аўтамабілі, што выязджалі з консульства ў гэтым кірунку.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці