• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Спрэчка «фізікаў» і «лірыкаў»

    Ну вось і дачакаліся… У мінулым стагоддзі спрачаліся фізікі і лірыкі, у нашым — Інтэрнет і традыцыйныя СМІ. Зразумела, канкурэнцыя паміж імі існуе ўжо даўно, але хіба ў гэтым справа? Спрабуюць дзяліць не ўвагу аўдыторыі, а, хутчэй, сродкі фундатараў.

    Тэма грошай у постсавецкім грамадстве такая ж далікатная, як тэма інтымных зносінаў. Таму агучваюць яе публічна адзінкі. Тым больш, калі гаворка ідзе пра грошы фундатараў.

    Але ж на «круглым стале», што адбыўся 7 ліпеня ў інфармацыйным цэнтры амерыканскай амбасады, фінансавай падтрымцы і спрэчцы паміж традыцыйнымі сродкамі масавай інфармацыі і інтэрнет-СМІ надалі даволі вялікую ўвагу.

    Пытанне ставілася, як кажуць, рубам: «Ці справядліва, што „стрэлкі“ цікавасці грамадства, апазіцыйных палітыкаў, а таксама фундатараў скіраваныя ў бок электронных СМІ?»

    Маўляў, на раскрутку сайтаў скіроўваюцца вялізныя чалавечыя і прафесійныя высілкі, а таксама немалыя фінансавыя сродкі. І гэта ў той час, калі гэтыя рэсурсы так патрэбныя існуючым у краіне газетам.

    «Газет хапае, але ім не хапае падтрымкі! Недаравальна малая ўвага надаецца папяровым выданням!» — сцвердзіў падчас дыскусіі адзін з удзельнікаў «круглага стала».

    Мне чамусьці ўзгадаўся эпізод з савецкага мультфільма: «А чаму вам — усё, а нам — нічога? А чаму ў вас яблыкі ёсць, а ў нас — няма?»

    З аднаго боку — зразумела, што ў сучасных умовах падтрымка той невялікай колькасці незалежных друкаваных СМІ, якія ячшэ засталіся ў краіне, жыццёва неабходная. З іншага, новыя медыя — гэта аб’ектыўна заўтрашні дзень журналістыкі, пра які варта падумаць ужо сёння.

    Упэўненая, што, як у мастацтве няма больш і менш важных жанраў, гэтак і ў журналістыцы няма медыяў, больш ці менш вартых увагі. Кожнае з іх — нават маланакладныя «баявыя лісткі» — мае сваю аўдыторыю, а значыць, мае права на існаванне і на падтрымку.

    Магу зразумець тых, каму больш баліць стан сучасных друкаваных СМІ, бо сама пачынала свой прафесійны шлях з газеты. Гэта як першае каханне, якое ніколі не забудзецца. Але ж час ідзе, змяняемся мы, змяняецца і сама журналістыка. І тут я згодная са спадаром Аляксандрам Класкоўскім, які бачыць будучыню за сімбіёзам друкаваных і электронных медыя.

    У хуткім часе мы ўсе прыйдзем да простай формулы: навіны будуць жыць у Інтэрнеце (бо аператыўнасці Сеціва друкаваным СМІ проста няма чаго супрацьпаставіць), а вось аналітыка будзе «каньком» традыцыйных медыя. Зразумела, што грамадству патрэбна і тое, і іншае.

    І тады спрэчка паміж двума «сёння» не будзе мець сэнсу, бо прыйдзе «заўтра», якое ўсё расставіць па сваіх месцах і прымусіць стрэлкі гадзінніка паказваць дакладны час. А фундатары? Будзем спадзявацца, што яны — справа часовая, якая знікне разам з існуючай сістэмай дзяржаўных сродкаў масавай інфармацыі…

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Акцэнты

    Чацвёра з дзесяці сышлі з прафесіі. Як абышоўся «Талібан» з журналістыкай у Афганістане

    01.03.2024
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці