• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Старшыня БАЖ: Прэтэнзіі Міністэрства здароўя да СМІ наконт публікацыяў пра вакцыну — у рэчышчы «справы БелТА»

    Старшыня Беларускай асацыяцыі журналістаў Андрэй Бастунец адрэагаваў на зварот Міністэтсва аховы здароўя ў пракуратуру з нагоды публікацыяў пра выкарыстаньне незарэгістраванай прышчэпкі, што прывяло да сьмерці дзіцяці.

    http://baj.media/wp-content/uploads/2023/08/6029925f-de7c-4982-8be4-332c729528c4_w1023_r1_s.jpg

    Скарга Міністэрства аховы здароўя ў Генэральную пракуратуру на СМІ, якія апублікавалі інфармацыю пра вакцынацыю дзяцей незарэгістраваным прэпаратам «Эўпэнта», ёсьць працягам абмежавальнай палітыкі дзяржавы стасоўна мэдыя, заявіў БелаПАН старшыня Беларускай асацыяцыі журналістаў Андрэй Бастунец.

    «Калі Міністэрства аховы здароўя мела пытаньні да выданьняў, напрыклад наконт дакладнасьці інфармацыі, то яму варта было б спачатку вырашыць пытаньне ў грамадзянска-праўным парадку, а не залучаць, як гэта ў нас павялося, усе сілавыя ведамствы, — сказаў Бастунец. — У гэтым пляне „справа БелТА“ ўсё вельмі красамоўна ілюструе.

    Цяпер выпадак не такога маштабу, але падыходы падобныя. Гэта палітыка, накіраваная на тое, каб у мэдыях не гучала таго, што не падабаецца дзяржаве.

    Міністэрства аховы здароўя вырашыла, што можна змагацца з журналістамі такімі мэтадамі. Але гэта вельмі рызыкоўны шлях. Перш чым біць люстэрка, міністэрства мусіла паглядзець на сваё адлюстраваньне. А выгляд у яго далёка ня лепшы, асабліва ў сьвятле выпадку, зьвязанага са сьмерцю дзіцяці».

    Міністэрства здароўя зьвярнулася ў пракуратуру пасьля публікацыі «Ежедневника» аб незарэгістраванай вакцыне

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці