Суды Брэсцкай вобласці істотна папоўнілі спіс «экстрэмістаў» у рэгіёне за кошт сацсетак мясцовых медыяў

Так, рашэннем суда Ганцавіцкага раёна ад 18 снежня «экстрэмісцкай прадукцыяй» прызнаны акаўнт выдання «Ганцавіцкі час» у сацыяльнай сетцы Insta­gram — instagram.com/ganc_chas.by.

На наступны дзень, 19 снежня, гэты ж суд прызнаў таксама экстрэмісцкімі  суполку «Ганцавіцкі час» у сацсетцы Face­book і суполку «ГАНЦЕВИЧИ ONLINE» ў сацсетцы «ВКонтакте».

Суд Столінскага района 19 снежня прыняў такое ж рашэнне ў дачыненні да Insta­gram-старонкі інфармацыйнага сайта «Першы Рэгіён».

А суд Пінскага раёна і г. Пінска рашэннем ад 13 снежня палічыў «экстрэмісцкай» старонку «ПЕРШЫ ПIНСКI” ў сацыяльнай сетцы «Одноклассники».

Варта заўважыць, што сайты незалежных рэгіянальных інтэрнэт-выданняў «Ганцавіцкі час» і «Першы Рэгіён» былі прызнаны «экстрэмісцкімі матэрыяламі» раней і заблакаваныя беларускімі ўладамі для карыстальнікаў з тэрыторыі Беларусі.

Паводле падлікаў мясцовых праваабаронцаў суды Брэсцкай вобласці з ліпеня 2020 года прызнавалі забароненымі тыя ці іншыя чаты, каналы, сайты (і іншыя рэсурсы ў Інтэрнэце) не менш за 325 разоў.

Чытайце яшчэ:

«Свет працягвае жыць далей, пакуль я замер паміж мінулым і будучыняй». Яўген Атцецкі пра сваю другую зіму ў Львове

Гродзенкі сталі на калені перад Тускам? Гісторыя аднаго фота і двух фэйкаў

«Кашы можа есці і не скардзіцца» — што вядома пра дырэктара газеты «Беларусы і рынак» Канстанціна Залатых