Супраць відэааператара Яўгена Глушкова распачалі крымінальную справу за супрацу з медыярэсурсам 6TV Belarus

У роліку выкарыстаны відэазапіс затрымання Яўгена Глушкова, зроблены міліцэйскім аператарам. Вельмі падобна, што здымкі пастановачныя: сілавікі нібыта заспелі відэааператара, калі ён спаў на канапе, апрануты ў шапку, куртку і боты. Хоць відавочцы казалі, што нават у міліцэйскую машыну затрыманага вялі без верхняй вопраткі.

У так званым «прымусова-пакаяльным» відэа Яўген Глушкоў кажа, што з 2017 года супрацоўнічаў з інтэрнэт-рэсурсам 6tv.by. Рашэннем КДБ ад 29 лістапада 2023 года гэтае медыя абвешчанае ў Беларусі «экстрэмісцкім фарміраваннем». Праваабаронцы практычна ад самага моманту затрымання Глушкова меркавалі, што ў дачыненні да відэааператара распачалі крымінальны пераслед па абвінавачанні ва ўдзеле ў «экстрэмісцкім фарміраванні» (арт. 361–1 КК).

Глушкова трымаюць у СІЗА магілёўскай турмы № 4. Сёлета 15 лютага беларуская праваабарончая супольнасць прызнала яго палітычным вязнем.

Відэааператар шмат гадоў працаваў на магілёўскім гарадскім тэлебачанні, на пачатку 2000‑х супрацоўнічаў з рознымі інфармацыйнымі рэсурсамі ў якасці фрылансера. Апошнім часам ён не займаўся грамадскай дзейнасцю, жыў адзін і вёў даволі замкнёны лад жыцця. Таму пра яго затрыманне стала вядома не адразу. Сілавікі таксама прыхоўвалі гэтую інфармацыю: відэаролік са звесткамі пра Яўгена Глушкова  выйшаў на тэлеграм-канале «Шестой регион» толькі праз паўтара месяцы пасля таго, як чалавек апынуўся за кратамі.

Чытайце яшчэ:

За кратамі памёр Ігар Леднік — публіцыст і грамадскі актывіст, зняволены па абвінавачанні за «паклёп на прэзідэнта»

Применение составов преступлений и правонарушений в области злоупотребления свободы выражения мнений

ГУБАЗіК затрымаў вядучую і гукарэжысёра «Альфа радыё»