• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Супрацоўнікі МНС выратавалі жыццё вядомаму журналісту Вадзіму Казначэеву

    Вечарам 7 студзеня адбыўся пажар на праспекце Незалежнасці ў Мінску. У 20:47 пажарныя атрымалі выклік ад суседзяў аб узгаранні, ужо 21:09 пажар быў ліквідаваны.

    https://baj.media/sites/default/files/event/preview/kaznaczejeu-x4pep.jpg

    Гарэла кватэра вядомага журналіста і публіцыста Вадзіма Казначэева. Яму 53 гады, у розны час Вадзім супрацоўнічаў з шматлікімі беларускімі і замежнымі выданнямі.

    Казначэева знайшлі беспрытомнага на падлозе на кухні. Яго даставілі ў бальніцу з дыягназам «цяжкая тэрмаінгаляцыйная траўма, апёк дыхальных шляхоў, атручванне прадуктамі гарэння».

    У офісе АГП, сябрам якой з’яўляецца Вадзім, нам паведамілі, што спачатку Казначэеў знаходзіўся ў рэанімацыі апёкавага аддзялення бальніцы хуткай дапамогі, аднак у другой палове дня яго планавалі перавесці проста ў аддзялення. Журналіст у прытомнасці.

    «Нам сказалі, што пагрозы жыццю няма. Цяпер яму можна адносіць сокі, ваду без газа, супы, пюрэ», — сказала прэс-сакратар АГП Ганна Красуліна.

    МНС паведамляе, што прычыны ўзгарання даследуюцца. Адна з версій — неасцярожнасць пацярпелага пры курэнні.

    Калегі збіраюць грошы на рэабілітацыю і падтрымку Вадзіма Казначэева, які доўгі час цяпер не зможа працаваць. Перадаць сродкі можна Барысу Гарэцкаму ў офісе Беларускай асацыяцыі журналістаў (вул.Кальварыйская 16 офіс 265) альбо ў офіс Аб’яднанай грамадзянскай партыі (вул.В.Харужай 22 офіс 1701).

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці