Telegram пачаў перадаваць рэкламадаўцам звесткі карыстальнікаў — у тым ліку і беларусаў
19 ліпеня 2023
Сярод звестак, якія Telegram можа перадаваць рэкламадаўцам, нават зашыфраваныя нумары тэлефонаў карыстальнікаў, піша «Наша Ніва».
У Telegram абнавілася палітыка прыватнасці. У некаторых краінах, у тым ліку ў Беларусі, там з’явіўся пункт 5.6.1. У ім сказана, што цяпер Telegram будзе перадаваць рэкламадаўцам IP-адрасы, сферу вашых цікаўнасцяў і зашыфраваны нумар тэлефона ў выглядзе ўнікальнага ідэнтыфікатара (кампанія запэўнівае, што ён зашыфраваны надзейна).
Гэта трэба для таго, каб нацэльваць рэкламу на канкрэтныя рэгіёны і нават гарады. Таксама яны хочуць адфільтраваць рэкламу, якая падыходзіць па моўнай прыкмеце, але не падыходзіць па рэгіёне — напрыклад, карыстальнікі з беларускай мовай кліента, але не ў Беларусі.
Яшчэ рэкламадаўцы здолеюць перадаваць зашыфраваную кліенцкую базу ў Telegram, каб платформа нацэліла рэкламу толькі на іх кліентаў. Telegram запэўнівае, што ў гэтых базах звестак не будуць утрымлівацца тэлефоны і ніяк немагчыма будзе атрымаць яго з гэтай базы.
Змены не закрануць тых, хто купіў прэміум-падпіску. Кампанія абяцае, што звесткі гэтых карыстальнікаў рэкламадаўцам не будуць перадаваць.
Чытайце яшчэ:
49-гадовы міністр інфармацыі Пярцоў: Не ведаю, дзе Захаранка і Красоўскі, мяне ў той час не было на свеце
Прапагандысты прымусілі былога калегу Дзмітрыя Лукшу стаць «экскурсаводам» па зоне
Дзеці ў ЗША, быў вызвалены ад вывучэньня беларускай мовы. Адкуль узяўся прапагандыст Андрэй Мукавозчык
@bajmedia
Тэлеканал «Беларусь 24» узначаліў Павел Лазавік. Раней ён абураўся, што ў 2020‑м людзі з’ехалі з глузду
31.07.2023
У Вільні да ўгодкаў Чарнобыльскай трагедыі адкрыецца выстава легендарнага фатографа Уладзіміра Сапагова
26.04.2024
«Раёнкі» Віцебшчыны публікуюць «водгукі грамадскасці», імітуючы цікаўнасць да інтэрв’ю Аляксандра Лукашэнкі
21.08.2023
Міністэрства інфармацыі заблакавала доступ да сайту праекту «Медыякрытыка»
05.07.2023
