• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Брэсце суд пакараў блогераў Кабанава і Пятрухіна штрафам на 1225 рублёў кожнага

    28 лютага суд Ленінскага раёна Брэста разгледзеў матэрыялы справы паводле часткі 3 артыкула 23.34 КаАП РБ (“Парушэнне парадку арганізацыі або правядзення масавых мерапрыемстваў”).

    https://baj.media/sites/default/files/event/preview/sud-petruhinkabanov.jpg

    Нагадаем, што актывіст з Бяроза Аляксандр Кабанаў і яго брэсцкі калега-блогер Сяргей Пятрухін паведамлі праз youtube-канал “Народны рэпарцёр” пра намер выйсці 25 лютага на плошчу Леніна ў Брэсце, каб выказаць пратэст супраць будаўніцтва каля горада акумулятарнага завода.

    У звязку з гэтай заявай Аляксандра Кабанава выклікалі ў пракуратуру Бярозаўскага раёна і вынеслі папярэджанне “аб недапушчальнасці парушэння палажэнняў закона аб масавых мерапрыемствах”. Аналагічнае папярэджанне ў гарадской пракуратуры Брэста атрымаў і Сяргей Пятрухін.

    У акцыі пратэста на цэнтральнай плошчы Брэста абодва блогеры ўдзелу не прымалі, бо 23 лютага былі затрыманыя і змешчаныя ў ізалятар часовага ўтрымання да суда.

    Разгляд іх спраў у Ленінскім райсудзе Брэста пачаўся 26 лютага, але быў перанесены, паколькі Кабанаў і Пятрухін хадайнічалі аб жаданні скарыстацца паслугамі адваката.

    Раніцай 28 лютага судовы працэс аднавіўся і суддзя Аляксандр Семянчук пакараў Аляксандра Кабанава штрафам у памеры 50 базавых велічынь (1225 рублёў).

    Што да разгляду справы ў дачыненні да Сяргея Пятрухіна, то атрымаўся скандал: не ўсе людзі, якія прышлі падтрымаць блогера, мелі магчымасць адразу трапіць у судовую залу. Супрацоўнікі суда і АМАП тлумачылі свае дзеянні тым, што ў памяшканні няма вольных месцаў, а стаяць падчас судовага пасяджэння нельга. Між тым, на працэсе, калі слухалася справа Аляксандра Кабанава, гэтай забароны не было.

    Канфлікт усё ж быў улагоджаны і жадаючыя трапілі на разгляд справы, які цягнуўся некалькі гадзінаў з перапынкам на абед. У выніку суддзя Дзмітрый Шурын таксама пакараў Сяргея Пятрухіна штрафам у памеры 50 базавых велічынь.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці