У Дрыбіне затрымалі Андрэя Юркова

Супрацоўнікі праваахоўных органаў пасля затрымання павезлі Юркова ў ізалятар часовага ўтрымання ў Горках. Прычына яго затрымання невядомая. Сваякі Андрэя Юркова паведамілі службе маніторынгу БАЖ, што разгляд яго справы адбудзецца ў судзе Дрыбінскага раёна ў панядзелак, 28 лютага.

Сябры затрыманага лічаць, што адбылося так званае прэвентыўнае затрыманне напярэдадні абвешчанага на 27 лютага рэферэндума па зменах у Канстытуцыі Рэспублікі Беларусь.

Нагадаем,  раніцай 17 лютага ў Дрыбіне ў кватэры Андрэя Юркова сілавікі правялі вобшук. У выніку забралі ноўтбук, смартфон і носьбіты інфармацыі. Супрацоўнікаў міліцыі тады таксама вельмі цікавіла стаўленне Юркова да канстытуцыйнага рэферэндума.