• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Гомелі міліцыя прыкавала кайданкамі да дрэва журналіста-фрылансера Жукоўскага

    Сёння ў судзе Савецкага раёна Гомеля судзяць блогера Максіма Філіповіча «за падмену дзяржаўных СМІ». У перапынку судовага пасяджэння міліцыя кайданкамі прыкавала да дрэва журналіста-фрылансера Кастуся Жукоўскага за непадпарадкаванне.

    У Гомелі пасля відэаздымкаў судовага пасяджэння па адміністрацыйнай справе блогера Максіма Філіповіча супрацоўнікі ДАІ затрымалі журналіста-фрылансера Кастуся Жукоўскага. Ён з калегамі ад’ехаў ад будынку суда на прыватнай аўтамашыне метраў дзвесце. Спыніў яго падпалкоўнік міліцыі, які не назваў сябе, запатрабаваў дакументы. Паглядзеўшы, патрабаваў ехаць у ДАІ на той падставе, што раней у Добрушы Жукоўскі нібыта парушыў правілы дарожнага руху.

    Кастусь адказаў, што ніякай позвы не атрымліваў і пра парушэнне правілаў дарожнага руху ў Добрушы чуе ўпершыню. І наогул, цяпер заняты. Калі будзе позва, ён прыедзе ў ДАІ.

    “Аднак падпалкоўнік стаяў на сваім, выклікаў падмогу. Кастусю надзелі кайданкі, прыкаваўшы яго да дрэва. Я здымаў усё на відэа. У мяне адабралі відэакамеру. Я патэлефанаваў на 102, заявіў пра гвалтоўныя дзеянні міліцыянтаў. Камеру мне вярнулі, а Жукоўскага забралі ў ДАІ”, — распавёў службе маніторынгу БАЖ відавочца і напарнік фрылансера Андрэй Толчын.

    Ён дадаў, што міліцыя ўсялякім чынам пераследуе Жукоўскага за яго фрылансерскую дзейнасць.

    Фота Алены Германовіч, БелаПАН

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці