• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У КДБ заявілі, што затрымалі палітоляга Фядуту, які знік у Маскве. Затрыманы і лідар БНФ Кастусёў

    Аляксандар Фядута (справа) і Рыгор Кастусёў. Архіўныя фота

    Камітэт дзяржаўнай бяспекі Беларусі «ў рамках расследавання распачатай крымінальнай справы паводле артыкула 108 КПК Рэспублікі Беларусь па непасрэдным падазрэнні ў здзяйсненні злачынства затрымаў Рыгора Кастусёва і Аляксандра Фядуту, паведамляе БелТА.

    «Пасля правядзення неадкладных следчых дзеянняў і аператыўна-вышуковых мерапрыемстваў будзе прадастаўленая поўная інфармацыя па дадзенай сітуацыі», — адзначаецца ў паведамленні.

    Учора жонка палітоляга Аляксандра Фядуты паведаміла, што зь ім зьнікла сувязь у Маскве, дзе ён апошнім часам працаваў мэдыякансультантам. Пасьля заявы аб зьнікненьні бязь вестак пошукам Аляксандра Фядуты нават занялася маскоўская паліцыя.

    Жонка Аляксандра Фядуты, Марына Шыбко паведаміла TUT.BY, што сёння падала заяву ў расійскія праваахоўныя органы аб яго знікненні.

    — Я знаходжуся ў дадзены момант у Маскве. Сёння я тут падала заяву аб тым, што муж згубіўся. Калі я пазней даведалася, што муж затрыманы КДБ, то звязалася з маскоўскімі следчымі. Яны не змаглі мне сказаць, дзе знаходзіцца Аляксандр Іосіфавіч — на тэрыторыі Расіі ці на тэрыторыі Беларусі, — і якім чынам ён апынуўся ў КДБ. Толькі паведамілі, што будуць па гэтым пытанні звязвацца з Генпракуратурай РФ, — распавяла Шыбко.

    Яна таксама не ведае, як, калі, кім, на якіх падставах і пры якіх абставінах быў затрыманы яе муж.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці