У Мінску стартаваў “Месяц фатаграфіі”
25 верасня 2015
24 верасня з адкрыцця ў галерэі “Ў” супольнай фотавыставы «Рэальны свет» літоўскага і брытанскага фатографаў Рымальдаса Вікшрайціса і Марціна Пара стартаваў фестываль “Месяц фатаграфіі ў Мінску”.
Афіцыйнае адкрыццё фэсту адбудзецца 2 кастрычніка ў ангары арт-прасторы «ЦЭХ» (вул.Першамайская, 16).
Мяркуючы па праграме, “калейдаскоп культурных і адукацыйных мерапрыемстваў” перасягне межы аднаго месяца. “Сёлета гледачам будуць прадстаўлены 23 экспазіцыі, і арганізаваныя яны будуць не толькі ў беларускай сталіцы”, – абяцае сайт фэсту.
Упершыню фестываль ладзіўся летась і натхніў арганізатараў сваім поспехам. У параўнанні з мінулым годам амаль удвая павялічылася колькасць яго партнёраў: да традыцыйных – Інстытута польскага, Інстытута Гётэ, Музея сучаснага выяўленчага мастацтва, Нацыянальнага цэнтра сучасных мастацтваў, галерэі «Ў» і арт-прасторы «ЦЭХ» – дадаліся пасольствы Ізраіля і Францыі, літаратурны музей Петруся Броўкі, Нацыянальны гістарычны музей Рэспублікі Беларусь, галерэя «Кніжная Шафа», культурны цэнтр Studio 67 і Гродзенская выставачная зала.
Менеджарам праекту выступае Андрэй Лянкевіч. Поўны склад каманды – ТУТ.
@bajmedia
Ларыса Шчыракова працуе ў калоніі швачкай, спадзяецца на спатканне з сынам
02.11.2023
Рамана Пратасевіча выдалілі са «спісу экстрэмістаў»
02.02.2024
В Германии рассказали, как будут выдавать паспорта иностранца белорусам
07.12.2023
«Вымушаныя меры, каб захаваць часопіс». З падпіскі прапалі легендарныя «Каламбур» і «Один дома»
27.10.2023
