• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    У Пецярбургу арыштавалі ўдзельніка пікету супраць прапагандыста Салаўёва ФОТА

    На дзесяць сутак у Пецярбургу арыштавалі Паўла Іванкіна. Ён і яшчэ шасцёра актывістаў пратэставалі 2 лістапада супраць прыезду тэлевядучага Уладзіміра Салаўёва. Пра гэта «Фантанцы» распавялі ў «Групе дапамогі затрыманым».

    Іванкіна прыцягнулі да адміністрацыйнай адказнасці 3 лістапада за непадпарадкаванне паліцыі.

    Пратэст актывістаў. Фота: ovdinfo.org, kasparov.ru. На фота справа — Павел Іванкін.

    Семярых актывістаў затрымалі напярэдадні каля ДК ім. Ленсавета. Маладыя людзі стаялі з плакатамі перад прыездам Салаўёва, які павінен быў выступіць там з лекцыяй.

    Шасцярых актывістаў адпусцілі. Дадому не дазволілі вярнуцца толькі Паўлу Іванкіну, які нібыта аказаў супраціў пры затрыманні.

    На адным з банераў прапагандыста Салаўёва параўналі з галоўным рэдактарам нацысцкай газеты Германіі Юліюсам Штрэйхерам.

    Юліус Штрэйхер быў галоўным рэдактарам антысеміцкай і антыкамуністычнай газеты Der Stürmer («Штурмавік»). У 1946 годзе ён быў пакараны смерцю паводле прысуду Нюрнбергскага трыбунала.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці