У пятніцу ў Мінску затрымлівалі здымачную групу нямецкага тэлеканала ARD

— Спачатку супрацоўнікі міліцыі загадалі пакінуць нам Плошчу Свабоды, а потым затрымалі нас і нашага кіроўцу, у машыне якога знаходзіцца тэлевізійнае абсталяванне, — распавёў прэс-службе БАЖ нямецкі журналіст Дэміян вон Остэн, які мае афіцыйную акрэдытацыю МЗС Беларусі.

Пазней журналістаў вызвалілі, а кіроўцу пратрымалі каля 2,5 гадзінаў..

Праз 2,5 гадзіны кіроўцу разам з тэхнікай адпусцілі. Такім чынам супрацоўнікі міліцыі сарвалі працу нямецкіх журналістаў падчас акцыі.

Гэта быў першы сур’ёзны інцыдэнт з затрыманнем журналістаў падчас сёлетняй выбарчай кампаніі.