• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Улады Малдовы зацьвердзілі закон аб забароне трансьляцыі расейскіх навінаў

    Прэзыдэнт Малдовы Ігар Дадон прыгразіў пратэстамі пасьля таго, як старшыня парлямэнту Андрыян Канду зацьвердзіў у абыход кіраўніка дзяржавы прызначэньне новых чальцоў кабінэту і закон аб забароне навінавых перадач з Расеі.

    Ілюстрацыйнае фота

    «Інстытут прэзыдэнта пакідае за сабой права зьвярнуцца з заклікам да мабілізацыі сотняў тысяч грамадзян для спыненьня канстытуцыйных парушэньняў і беззаконьня, — напісаў у сераду кіраўнік Малдовы на сваёй старонцы ў Фэйсбуку: «Маліцеся, каб атрымаць гэты ўдар на парлямэнцкіх выбарах, а не да гэтага».

    Пра падтрымку пазыцыі Дадона ўжо абвясьціла апазыцыйная Партыя сацыялістаў Малдовы.

    Сьпікер парлямэнту Малдовы Андрыян Канду ў сераду зацьвердзіў закон, які забараняе трансьляцыю навін і інфармацыйна-аналітычных перадач з Расеі, паведаміла прэс-служба малдаўскага парлямэнту. Канду падпісаў закон замест прэзыдэнта Ігара Дадона, якога на пачатку студзеня часова адхілілі ад пасады.

    Дадон двойчы адхіляў закон «аб барацьбе з замежнай прапагандай», нягледзячы на тое, што паводле Канстытуцыі прэзыдэнт, нягледзячы на нязгоду, абавязаны зацьвердзіць дакумэнт, калі парлямэнт двойчы яго прымае. У выніку Канстытуцыйны суд Малдовы часова адхіліў прэзыдэнта ад пасады і надзяліў правам падпісаць закон менавіта Канду.

    Аналягічныя працэдуры ў Малдове ўжо ўжываліся раней. У кастрычніку 2017 года Канстытуцыйны суд дазволіў Канду замест прэзыдэнта падпісаць указ аб прызначэньні міністрам абароны Яўгена Стурзу, а 2 студзеня 2018 га дазволіў у абыход Дадона прызначыць кіраўніка МЗС і яшчэ шэсьць членаў ураду.

    Закон забараняе трансьляцыю ў Малдове інфармацыйна-аналітычных, ваенных ці палітычных тэле- і радыёпраграм у выпадках, калі яны былі выраблены ў краінах, якія не ратыфікавалі Эўрапейскую канвэнцыю аб трансгранічным тэлебачаньні, напрыклад у Расеі. Рэтрансляцыя забаўляльных праграм або іншых перадач з Расеі ў Малдове дазволена.

    На думку прарасейскага прэзыдэнта Дадона, гэты закон «уяўляе сабой адкрыты замах на свабоду грамадзян у Малдове». У парлямэнце, дзе большасць прадстаўляюць дэпутаты праэўрапейскай скіраванасьці, з гэтым меркаваньнем ня згодны.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці