• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Вінаградава ў ШІЗА не зламалі». Вольскі запусціў хвалю салідарнасці з Паўлам Вінаградавым

    20 лістапада «Вясна» паведаміла пра паўгадовае ўтрыманне ў штрафным ізалятары Паўла Вінаградава, палітычнага апанента рэжыму Лукашэнкі. Беларускі творца Лявон Вольскі назваў дадатковае пакаранне палітвязня «фашыстоўскімі катаваннямі» і заклікаў да хвалі салідарнасці.

    Святлана Вінаградава, жонка Паўла, расказала ў Facebook, што ён «апошнія амаль 6 месяцаў з 7 правёў у ШІЗА з дробнымі перапынкамі. Цяпер атрымаў 2 месяцы ПКТ (памяшканне камернага тыпу). Свядомасць ясная, малады, прыгожы, разумны – гэта мне павукі ў ШІЗА нашапталі. Гэта строгі рэжым, тут не пякуць бульбу, тут пякуць людзей».

    «Гэта жудасныя катаванні», — сказаў пра ўтрыманне ў ШІЗА Лявон Вольскі.  

    Група VOLSKI з верасня 2023 года працуе над альбомам «Лісты палітвязням» і даследуе палітвязынства ў гісторыі Беларусі, выпускаючы відэазвароты. 20 лістапада выйшла новае відэа “Ліст#4: савецкія дысыдэнты, вежа-глушылка ў Менску і нашумелы выпадак з 60-х”. Праект ажыццяўляецца разам з Палітвязынка і Дэсыдэнтбай.

    «Палову года правесці ў такіх умовах — гэта жудасць для чалавека. Там халодна, пастаянна свеціць лямпачка, там няма таго, што можна назваць ложкам — толькі адкідная палічка. Харчаванне ў вязніцы самі ведаце якое. Ведаючы Паўла, жыццярадаснага, іранічнага, дасціпнага чалавека… Безумоўна, яго хочуць зламаць. Але яны яго не зламалі дагэтуль», — кажа Лявон Вольскі пра катаванні Паўла Вінаградава.

    Артыст зычыць палітвязню «моцнага здароўя і магутнасці, каб вытрымаць гэта ўсё».

    Улады могуць адабраць стары дамен. БАЖ пераязджае на новы — baj.media

    Вольскі дадаў, што гэты і падобныя выпадкі катаванняў у ШІЗА трэба даследаваць і дакументаваць. Бо гэта, паводле ацэнкі Вольскага, «фашыстоўскія катаванні», і тых, хто гэтым займаюцца, хто даваў такія загады —  усё “павінна быць выведзена на свет, на ўсеагульны агляд”.

    «Давайце, дарагія сяброўкі, шаноўныя сябры, падтрымаем Пашу Вінаградава лістамі, каб там завалілася ўсё вашымі лістамі. Каб мільёны лістоў прыйшлі ў гэтую вядомую Ваўкавыскую вязніцу», — творца заклікае падтрымаць хвалю салідарнасці з Вінаградавым. 

    Паўла затрымалі 22 снежня 2021 года ў прыватным доме ў Беразіно. Палітвязня абвінавацілі па арт. 130 КК («Распальванне сацыяльнай варожасці»), ч. 2 арт. 367 КК («Паклёп на Лукашэнку») і арт. 342 КК («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх») і асудзілі да 5 гадоў калоніі агульнага рэжыму.

    Падтрымайце Паўла: ПК №11. 231900, Ваўкавыск, Ракасоўскага, 118, Павел Юр’евіч Вінаградаў.

    Чытайце яшчэ:

    «Тут не смажаць бульбу, тут смажаць людзей». Павел Вінаградаў пра ўмовы свайго зняволення

    Алег Груздзіловіч: «Калі мяне катавалі,то сказалі спаць на драўлянай падлозе»

    «Сядзіць у адзіночцы, вучыць нямецкую і арабскую». Што вядома пра аўтара «Новага часу» Дзядка

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia

    Больш матэрыялаў

    Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
    Падпісваючыся на рассылку, вы згаджаецеся з Палітыкай канфідэнцыйнасці