• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    “Выбілі мабільны тэлефон і выдалілі відэа”. Журналістку вызвалілі пасля затрымання ў Курапатах

    У Курапатах 16 кастрычніка супрацоўнікі міліцыі затрымалі журналістку Вольгу Чайчыц, якая супрацоўнічае з тэлеканалам “Белсат”.​

    — Падставай затрымання быў учорашні сюжэт пра падзеі ва ўрочышчы Курапаты. Сёння я прыехала ў Курапаты зноў, да мяне падышлі міліцыянты і затрымалі нібыта для складання пратакола, — распавяла Вольга Чайчыц прэс-службе ГА “Беларуская асацыяцыя журналістаў”.

    Пасля гэтага журналістку завезлі ў аддзяленне міліцыі Мінскага раёна ў Бараўлянах, дзе пратрымалі некалькі гадзінаў і склалі адміністрацыйны пратакол за нібыта парушэнне заканадаўства аб СМІ.

    — Я спрабавала здымаць на тэлефон, але супрацоўнік міліцыі Дзмітрый Смык выбіў яго з маіх рук і забраў. З тэлефона выдалілі ўсё знятае відэа, а праз амаль тры гадзіны пасля затрымання іншы міліцыянт — Сяргей Кніга — склаў пратакол за тое, што я, нібыта, працую для “Белсата” без акрэдытацыі.

    Цікава, міліцыянты чамусьці ведалі, што я сёння зноў прыеду ў Курапаты, і нават мелі на дыску сюжэт, які ўчора выйшаў у эфір на “Белсаце”, — расказала Вольга Чайчыц.

    Гэта не першае затрыманне Вольгі Чайчыц у гэтым годзе — сёлета яе, як і многіх іншых журналістаў, пастаянна штрафуюць за супрацоўніцтва з неакрэдытаваным у Беларусі тэлеканалам “Белсат”.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці