• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Выява Анджэя Пачобута з’явіцца на мурале ў Варшаве

    Выявы двух палітзняволеных —  журналіста Анджэя Пачобута і праваабаронцы Марфы Рабковай— дапоўняць існы мурал у Варшаве, на якім адлюстраваны яшчэ адзін вязень — кіраўнік праваабарончага цэнтра “Вясна”, лаўрэат Нобелеўскай прэміі міру Алесь Бяляцкі.

    Анджэй Пачобут. Калаж: Радыё Свабода

    Пра планы абнавіць мурал, паводле інфармацыі прэс-службы Аб’яднанага пераходнага кабінета (АПК), прадстаўніца АПК па нацыянальным адраджэнні Аліна Коўшык паведаміла на сустрэчы з віцэ-дырэктарам польскага офіса міжнароднай праваабарончай арганізацыі Amnesty Inter­na­tion­al Ганнай Кулікоўскай.

    Перароблены мурал, мяркуе Коўшык, дапаможа свету “даведацца адразу пра трох беларусаў, якія і за кратамі даюць <…> прыклад мужнасці, моцнай грамадзянскай пазіцыі і адданасці дэмакратычным каштоўнасцям”.

    “Сёння як ніколі важна прыцягваць увагу да сітуацыі ў нашай краiне, выкарыстоўваючы для гэтага ўсе магчымыя сродкі”, — падкрэсліла яна.

    Мурал пачнуць абнаўляць “у найбліжэйшы час”, гэта зробяць “польскія творцы пры ўдзеле беларуска-польскай культурнай супольнасці”, гаворыцца ў паведамленні. Да абнаўлення насценнага роспісу будзе прымеркаваны “шэраг мерапрыемстваў з фокусам на сітуацыі з правамі чалавека ў Беларусі”.

    Сярод іншага Коўшык і Кулікоўска абмеркавалі “каардынацыю сумесных намаганняў, накіраваных на прыцягненне ўвагі міжнароднай супольнасці да сітуацыі” у Беларусі.

    У каментарыі “Позірку” прадстаўніца АПК паведаміла, што першапачатковы мурал з выявай Бяляцкага быў створаны разам з Amnesty Inter­na­tion­al.

    “Зараз гэты мурал неактуальны, бо там напісана, што Алесь Бяляцкі на свабодзе, — звярнула ўвагу палітык. — Спачатку нашая ідэя была ў тым, каб гэты мурал актуалізаваць, напісаць, што Алесь зноў — ужо другі раз — стаў палітычным вязнем, і дадаць туды інфармацыю пра Нобелеўскую прэмію міра. Але ў Amnesty Inter­na­tion­al пайшлі насустрач, сказаўшы, што бачаць неабходнасць пашырыць гэты мурал, зрабіць яго з трох часткак”.

    Паводле слоў Коўшык, АПК спадзяецца, што мурал будзе гатовы сёлета ўлетку.

    У рамках кампаніі Amnesty Inter­na­tion­al па напісанні лістоў у абарону палітвязняў у 2012 годзе мурал з выявай Бяляцкага з’явіўся ў Гданьску. У 2021‑м яго адрамантавалі пасля таго, як нехта сапсаваў роспіс хуліганскімі надпісамі.

    Выявы беларускіх палітвязняў нанесеныя на сцяну “Беларускага Дома” ў Варшаве.

    У 2022 годзе мурал з Бяляцкім з’явіўся насупраць будынка беларускай амбасады ў Вільнюсе.

    3 сакавіка 2023 года ў рамках палітычна матываванай справы старшыня цэнтра “Вясна” Бяляцкі быў прыгавораны да 10 гадоў пазбаўлення волі, яго намеснік і віцэ-прэзідэнт Міжнароднай федэрацыі за правы чалавека (FIDH) Валянцін Стэфановіч — да 9, каардынатар кампаніі “Праваабаронцы за свабодныя выбары” Уладзімір Лабковіч — да 7. Праваабаронца Зміцер Салаўёў, які знаходзіцца за мяжой, завочна асуджаны на 8 гадоў зняволення.

    23 жніўня МУС прызнала “Вясну” “экстрэмісцкім фарміраваннем”.

    6 верасня 2022 года Мінскі гарадскі суд прыгаварыў дзесяцёх палітзняволеных, фігурантаў “справы анархістаў” да доўгіх тэрмінаў пазбаўлення волі. Праваабаронцу Марфу (Марыю) Рабкову ў рамках гэтай справы прыгаварылі да 15 гадоў пазбаўлення волі.

    8 лютага 2023 года Гродзенскі абласны суд прыгаварыў актывіста неафіцыйнага Саюза палякаў Беларусі (СПБ), журналіста, палітвязня Анжэя Пачобута да 8 гадоў пазбаўлення волі ў калоніі ўзмоцненага рэжыму. Суддзя Дзмітрый Бубенчык прызнаў яго вінаватым паводле ч. 3 арт. 130 і ч. 3 арт. 361 (заклікі да мераў абмежавальнага характару (санкцый), накіраваных на прычыненне шкоды нацыянальнай бяспецы) КК.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці