• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    З галоўным рэдактарам “Вольнага горада” правялі прафілактычную гутарку ў Крычаўскім РАУС

    Супрацоўнікаў міліцыі вельмі цікавіла, каму Сяргей Няроўны даў інтэрв’ю пра тое, што ў яго канфіскавалі камп’ютар. Няўжо крычаўскім міліцыянтам больш няма чым займацца?

    Галоўнага рэдактара крычаўскай незалежнай газеты “Вольны горад” Сяргея Няроўнага 4 лютага выклікалі ў Крычаўскі раённы аддзел міліцыі.  Журналісту патэлефанаваў маёр Эдуард Краўцоў і запрасіў прыйсці на прафілактычную гутарку да начальніка міліцыі.

    Як распавёў карэспандэнту службы маніторынгу ГА “БАЖ” Сяргей Няроўны, у кабінеце начальніка РАУС Андрэя Лазаковіча, акрамя самога начальніка, яго чакалі яшчэ два падпалкоўнікі і два маёра міліцыі.

    “На прафілактычную гутарку са мной сабраліся начальнік РАУС падпалкоўнік Лазаковіч, яго намеснікі: падпалкоўнікі Рыбчынскі і Андрэйчыкаў, намеснік па ідэалогіі маёр Балдышэўскі (Болдышевский) і сам маёр Эдуард Краўцоў. Менавіта маёр Краўцоў з Сяргеем Ягоравым праводзілі агляд маёй кватэры 14 студзеня і забралі мой камп’ютар, не пакінуўшы ніякіх дакументаў”, — адзначыў журналіст.

    У галоўнага рэдактара крычаўскай газеты “Вольны горад” Сяргея Няроўнага правялі агляд і забралі камп’ютар

    Паводле слоў Няроўнага, прафілактычная гутарка пачалася з таго, што міліцыянты ў чарговы раз пачалі цікавіцца, ці карыстаецца ён тэлеграм-каналамі і ці рабіў ён здымак групы жыхароў райцэнтра з бел-чырвона-белым сцягам насупраць мясцовага райвыканкама.

    “Я ў чарговы раз адказаў, што не карыстаюся тэлеграм-каналамі, і зноў патлумачыў, што не рабіў і не дасылаў ніякіх здымкаў”, — кажа Няроўны.

    Пасля гэтага кіраўніцтва Крычаўскага РАУС чамусьці вельмі зацікавілася, каму з журналістаў абласнога партала “Магілёўскі рэгіён” Няроўны даў інфармацыю пра агляд, які правялі ў яго кватэры супрацоўнікі міліцыі.

    Высветлілася, што публікацыю з 6tv.by перадрукавалі ў групе “Подслушано Кричев” “ВКонтакте”. Там пад публікацыяй нібыта было размешчана шмат адмоўных каментароў на адрас супрацоўнікаў міліцыі. Пасля нехта размясціў на гэтай старонцы персанальныя дадзеныя міліцыянтаў і старшыні Крычаўскага райвыканкама Андрэя Седукова.

    Журналіст кажа, што абсалютна не зразумеў, якое дачыненне да ўсяго гэтага мае ён і партал “Магілёўскі рэгіён”, які проста перадрукаваў артыкул з “Радыё Свабода”. Няроўны параіў кіраўніцтву РАУС звярнуцца за патрэбнай інфармацыяй да адміністратараў сацыяльнай сеткі “ВКонтакте”.

    Падчас гутаркі высветлілася, што сэрвисная служба “ВКонтакте” адмовілася даваць якую-небудзь інфармацыю крычаўскай міліцыі.

    “Усяго “прафілактычная гутарка” цягнулася дзесьці паўтары гадзіны, з 11:00 да 12:30. Мяне папярэдзілі пра недапушчальнасць удзелу ў несанкцыянаваных масавых мерапрыемствах. Спрабавалі ўзяць нейкія пісьмовыя тлумачэнні, але я іх даваць адмовіўся, бо яны не змаглі патлумачыць, у якім статусе я знаходжуся”, — распавёў рэдактар “Вольнага горада”.

    Сяргей Няроўны кажа, што яго камп’ютар пакуль знаходзіцца на экспертызе ў Магілёве. Пасля сканчэння экспертызы журналіста паабяцалі зноў  выклікаць у Крычаўскі РАУС.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці