Затрыманых у Мар’інай Горцы журналістаў вызвалілі. Забралі карту памяці
16 ліпеня 2015
Прэс-служба ГА "Беларуская асацыяцыя журналістаў"
Незалежныя журналісты, сябры ГА "БАЖ" Аляксандр Баразенка і Аркадзь Несцярэнка рабілі відэаздымкі ў Мар’інай Горцы (Мінская вобласць).
Затрыманне адбылося каля 14‑й гадзіны. Каля 17.15 стала вядома, што журналістаў вызвалілі, склаўшы пратаколы апытання і забраўшы карту памяці з відэазапісам.
Старшыня ГА «БАЖ», юрыст Андрэй Бастунец, які быў на сувязі з аператыўна-дзяжурнай службай Пухавіцкага РАУС і пазней з самімі журналістамі, паведаміў, што копію пратаколу вынятку Аляксандру Баразенку адмовіліся выдаць. Журналіст сфатаграфаваў дакумент і пакінуў запіс у кнізе скаргаў.
Нагадаем, што днём раней ў Рэчыцкім раёне (Гомельская вобл.) затрымлівалі на дзве гадзіны незалежных журналістаў Кастуся Жукоўскага і Наталлю Крывашэй.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Збор сродкаў! Віцебскаму журналісту Аляксандру Корнышаву патрэбна дапамога ў сувязі з аперацыяй
05.02.2024
Тэлеканал АНТ абвясціў аб закрыцці галоўнага тыднёвага праекта — праграмы «Контуры»
28.08.2023
Папаўненне ў «экстрэмісцкім спісе» Мінінфарма: чатыры відэаролікі і акаўнт «Пара/Para» ў TikTok
05.07.2024
На сайт беларускага спартовага партала «Трыбуна» адбылася DDoS-атака
15.04.2024
