Затрыманых журналістаў Любоў Лунёву і Змітра Буянава вінавацяць у дробным хуліганстве
10 лютага 2021
Журналісты «Белсату» Любоў Лунёва і Дзмітрый Буянаў (Солтан) былі затрыманыя падчас выканання сваёй працы 8 лютага.
Затрымлівалі журналістаў працаўнікі Савецкага РУУС Менску, калі тыя праводзілі апытанне. Пасля РУУС іх завезлі на Акрэсціна.
Справы журналістаў ужо паступілі ў суд Савецкага раёну Менску. Іх будзе разглядаць суддзя Фёдарава. Паседжанне пройдзе сёння, але часу пакуль не прызначылі.
Затрыманых журналістаў Любоў Лунёву і Змітра Буянава (Солтана) вінавацяць у дробным хуліганстве (арт. 17.1 КаАП). Паводле гэтага артыкулу прадугледжаны штраф да 30 базавых велічыняў або адміністратыўны арышт.
Раней, 7 снежня, Любоў Лунёву ужо затрымлівалі разам з аператарам Іванам Куракевічам на Маршы мудрасці ў Менску. Тады яны мелі зрабіць рэпартаж з падзеі, але амаль адразу журналістаў затрымалі. Пасля затрымання яны былі дастаўленыя ва УУС Савецкага раёну, а далей іх перавезлі на Акрэсціна.
Тады аператару Івану Куракевічу далі 15 содняў арышту, а Любові Лунёвай штраф 30 базавых велічыняў.
Рэпрэсіі супраць журналістаў у 2021 годзе (табліца, спіс арыштаваных)
@bajmedia
Памёр відэааператар Сяргей Чырык
27.12.2023
У Беларусі можа з’явіцца новы тэлеканал з навінамі прапаганды нон-стоп — што вядома?
28.03.2024
Кіраўніка прыватнай гомельскай тэлекампаніі асудзілі ўжо другі раз, а ягоны намеснік прапаў без вестак
15.04.2024
«Прессбол»: «У нас складаная фінансавая сітуацыя пасля закрыцця доступу да сайта. Сэрца Лісічкіна не вытрымала стрэсу»
15.08.2023
