• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Заява Гомельскай гарадской арганізацыі ГА “БАЖ” у падтрымку журналістаў і блогераў

    Мы, сябры Гомельскай гарадской арганізацыі ГА “БАЖ”, канстатуем узмацненне ціску з боку ўладаў на незалежных журналістаў і блогераў, якіх пераследуюць за матэрыялы і выказванні ў сацыяльных сетках.

    7 жніўня адбыўся ператрус на офісах ТАА «Тутбай Мэдыя» і інфармацыйнай агенцыі БелаПАН. Акрамя таго, затрымалі рэдактараў парталу TUT.BY Марыну Золатаву, Ганну Калтыгіну, Улляну Бабаед і Галіну Уласік, а таксама супрацоўніцу інфармацыйнага агенцтва БелаПАН Таццяну Каравянкову. Дома ў журналістаў прайшлі ператрусы.

    У ліпені, пры спробе паўдзельнічаць у выязным пасяджэнні Акцябрскага выканкама, затрымалі блогера і сябра Гомельскай філіі БАЖ Андрэя Павука. Яго абвінавацілі ў незаконнай супрацы з польскім тэлеканалам “Белсат”.

    У Гродне міліцыя правяла ператрусы на кватэрах у журналістаў Алеся Дзянісава і Аляксея Кайрыса. Журналістаў абвінавачваюць у абразе і працы без акрэдытацыі.

    У ліпені ў судзе Савецкага раёна Гомеля разглядаўся пазоў дырэктара школы №3 Ніны Старажэнкі ў дачыненні да блогера Арцёма Шапарава. Кіраўніца адукацыйнай установы палічыла, што блогер абразіў яе ў сваім відэасюжэце, аднак у міліцыі справу перакваліфікавалі ў прапаганду і распаўсюд нацысцкай сімволікі (артыкул 17.10 КоАП).

    На журналістку з Бярозы Тамару Шчапёткіну і брэсцкага журналіста Яўгена Скрабца завялі адміністрацыйныя справы, у якіх абвінавачваюць журналістаў у парушэнні заканадаўства за супрацоўніцтва з Беларускім Радыё Рацыя без акрэдытацыі.

    За рэпост у Фэйсбуку міліцыя пачала праверку ў дачыненні да сябра Гомельскай філіі БАЖ Леаніда Судаленкі. Апроч гэтага, выклікае занепакоенасць у журналісцкай супольнасці адвольная трактоўка праваахоўнымі органамі артыкула 22.9 КоАП “Парушэнне заканадаўства аб сродках масавай інфармацыі”, у выніку чаго журналістаў-фрылансераў неабгрунтавана прыцягваюць да адказнасці за “незаконны выраб прадукцыі СМІ”. Сярод прыцягнутых да адказнасці па гэтым артыкуле — гомельскія журналісты Кастусь Жукоўскі і Ларыса Шчыракова, журналіст з Глыбокага Зміцер Лупач, Вольга Чайчыц, Андрусь Козел, Кацярына Андрэева і яшчэ з дзясятак нашых калегаў.

    Гомельская філія БАЖ выказвае салідарнасць з журналістамі і блогерамі. А таксама выказвае занепакоенасць у сувязі з частымі выпадкамі іх пераследу.

    Мы лічым дадзеныя выпадкі чарговай спробай уладаў кантраляваць інфармацыю і праявай палітычнага ціску на незалежных журналістаў і блогераў. Заклікаем спыніць пераслед нашых калег і прытрымлівацца нормаў Канстытуцыі РБ, якая гарантуе “свабоду поглядаў, перакананняў і іх свабоднае выказванне” (артыкул 33 Канстытуцыі РБ).

    Сябры Гомельскай гарадской арганізацыі ГА «БАЖ»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Навіны

    Теперь консул может только изъять паспорт. Что означает новый указ для белорусов, уехавших из страны?

    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці