• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналіст Яўген Меркіс змог пабачыцца са сваякамі

    Журналіст і краязнаўца Яўген Меркіс з Гомеля і яго адвакат Арцём Каралёў падалі апеляцыі ў Вярхоўны суд на перагляд выраку, вынесенага 30 мая Гомельскім абласным судом.

    Стала вядома таксама, што пасля вынясення 30 мая Гомельскім абласным судом прысуду бацьку і цётцы дазволілі кароткатэрміновую сустрэчу з Яўгенам у СІЗА‑3, дзе ён утрымліваецца ад верасня 2022 года. Гэтая сустрэча адбылася 6 чэрвеня.

    Паводле рашэння суддзі Аляксея Хлышчанкова, Яўген Меркіс прызнаны вінаватым на падставе ч. 1 і ч. 2 арт. 361–4 Крымінальнага кодэкса РБ («Садзейнічанне экстрэмісцкай дзейнасці»), а таксама паводле ч. 3 арт. 361–1 КК («Удзел у экстрэмісцкім фармаванні») і асуджаны да 4 гадоў пазбаўлення волі з адбываннем пакарання ў калоніі ўзмоцненага рэжыму. У журналіста канфіскавалі на карысць дзяржавы аўтамабіль, фота‑, відэаапаратуру ды іншыя носьбіты інфармацыі.

    Суд праходзіў у закрытым рэжыме. Адкрытым зрабілі толькі агалошванне рэзалюцыйнай часткі. Абвінавачанне і прысуд звязаныя з перадачай прызнаным «экстрэмісцкімі» інтэрнэт-рэсурсам фотаінфармацыі пра знаходжанне і перамяшчэнне ў рэгіёне расійскай вайсковай тэхнікі.

    Афіцыйная абласная газета «Гомельская праўда» ў дзень вынясення прысуду пісала, што «36-гадовы гамяльчанін Яўген Меркіс працаваў на тэлеканал «Белсат», інфарэсурсы якога прызнаны экстрэмісцкімі… Апроч таго, Меркіс адпраўляў у экстрэмісцкія тэлеграм-каналы фота ваеннай тэхнікі і паведамляў пра яе перамяшчэнне».

    Яшчэ да арышту Яўген Меркіс пакінуў журналісцкую дзейнасць з прычыны таго, што шэраг незалежных СМІ, з якімі супрацоўнічаў, улады аднеслі да «экстрэмісцкіх фармаванняў».

    Па адукацыі Яўген гісторык, скончыў гістарычны факультэт Белдзяржуніверсітэта. Пакінуўшы сталую журналістыку, засяродзіўся на краязнаўстве, атрымаў як індывідуальны прадпрымальнік сертыфікат экскурсавода, у тым ліку і для працы з замежнікамі на нямецкай мове. Ён выдатна валодае беларускай мовай. Засвоіў і ангельскую. У СІЗА спрабаваў вывучыць яшчэ і французскую, але, наколькі вядома, меў цяжкасці з атрыманнем падручнікаў.

    Папулярызаваць гісторыю, мову і культуру роднага краю ды этнаграфічныя вандроўкі Яўген пачаў яшчэ ў студэнцкія гады. Пазней заснаваў сайт «Краязнаўства Гомеля і Гомельшчыны», ачольваў гомельскае моладзевае грамадскае краязнаўчае аб‘яднанне «Талака», быў таксама рэгіянальным каардынатарам грамадска-культурнай кампаніі «Будзьма!».

    Калі ў Гомелі ды іншых гарадах Беларусі ў 2017 годзе праходзілі пратэсты так званых «дармаедаў», Меркіс вёў стрымы з масавых акцый і стаў адным з самых пазнавальных рэгіянальных журналістаў-вядоўцаў.

    Да затрымання Яўген характарызаваў сябе гэтак: «Праваслаўны, прыхільнік заходніх каштоўнасцяў і патрыярхальнасці ў сям’і, люблю панк, рок і рэтра 1950‑х – 1970‑х, творчасць «трушных паэтаў» — Анатоля Сыса і Васіля Стуса. Люблю Гомель. У людзях цаню сапраўднасць. Але ідэя — галоўнае і першаснае. Дэпрэсіўны аптыміст. Выклікаюць захапленне персоны кшталту кіраўніка «Тэсла Мотарс» Ілана Маска, якія сягаюць сваімі ідэямі і дзейнасцю ў далячынь, змяняюць свет».

    Чытайце яшчэ:

    «Я нават не заўважыла, як стала прычынай усіх мужавых няшчасцяў». Калегі расказалі аб сямейных праблемах у міграцыі

    «Медиа усиливают эффект поляризации общества». Как проходила защита дипломов в ЕГУ

    ЕС заклікаў Google і Facebook маркіраваць кантэнт, створаны штучным інтэлектам

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці