• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналіста БелаПАН спачатку акрэдытавалі, а пазней адмовілі ў акрэдытацыі на V Форуме рэгіёнаў у Магілёве

    Журналіста недзяржаўнага інфармагенцтва БелаПАН Уладзіміра Лапцэвіча спачатку акрэдытавалі, а пазней адмовілі ў магчымасці прысутнічаць на мерапрыемствах V Форума рэгіёнаў Беларусі і Расіі, які праходзіў у Магілёве 10-12 кастрычніка 2018 года.

    Уладзімір Лапцэвіч

    Па словах Лапцэвіча, яшчэ ў дваццатых чыслах верасня праз сайт Магілёўскага аблвыканкама ён падаў заяўку на акрэдытацыю для ўдзелу ў асвятленні мерапрыемстваў Форума.

    “Раніцай 11 кастрычніка я патэлефанаваў у Магілёўскі аблвыканкам. У адказ мне паведамілі, што я акрэдытаваны ў якасці карэспандэнта БелаПАН і для мяне падрыхтаваны адпаведны бэйджык, — распавядае Уладзімір Лапцэвіч. — Сказалі, што я змагу атрымаць яго ў прэс-сакратара Савета Рэспублікі Нацыянальнага сходу Вольгі Казловіч.

    Калі ж вечарам я наведаў адно з мерапрыемстваў у межах V Форума рэгіёнаў, туды мяне папросту не пусцілі. Тая ж Вольга Казловіч сказала, што “вас не акрэдытавалі, усе пытанні да прэс-службы прэзідэнта”.

    Уладзімір Лапцэвіч лічыць, што змена рашэння аб яго акрэдытацыі была накіравана супраць таго, каб інфармагенцтва БелаПАН змагло непасрэдна асвятляць мерапрыемствы V Форума рэгіёнаў Беларусі і Расіі ў Магілёве.

    Галоўная рэдактарка БелаПАН Ірына Леўшына таксама лічыць, што карэспандэнтам БелаПАН адмыслова адмовілі ў акрэдытацыі на V Форуме рэгіёнаў. Акрамя Уладзіміра Лапцэвіча, акрэдытацыю не змагла атрымаць і журналістка БелаПАН Таццяна Каравянкова.

    “На маю думку, яны робяць гэта адмыслова. Адмову ў акрэдытацыі мы абскарджваць не будзем, гэта пустая трата часу. Усе нашы ранейшыя спробы атрымаць нейкія тлумачэнні на гэты конт скончваліся безвынікова”, — сказала Ірына Леўшына карэспандэнту службы маніторынгу ГА “БАЖ».

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці