• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналістаў Вольгу Чайчыц і Сяргея Краўчука затрымалі ў Курапатах + ВІДЭА ЗАТРЫМАННЯ

    Супрацоўнікі міліцыі абвінавацілі журналістаў у парушэнні заканадаўства аб СМІ, прымусілі сесці ў міліцэйскую машыну і даставілі ў аддзяленне ў Бараўлянах.

    Затрыманне адбылося побач з мемарыялам Курапаты пад Мінскам.

    Вольгу Чайчыц спынілі супрацоўнікі Дзяржаўтаінспекцыі, пасля чаго прымусілі Вольгу Чайчыц перасесці ў міліцэйскую машыну і павезлі ў Бараўлянскі РАУС. Затрыманы таксама і аператар Сяргей Краўчук.

    — У Курапатах міліцыянты часта затрымліваюць журналістаў. Відавочна, улады хочуць, каб мы не асвятлялі падзеі ва ўрочышчы і каля скандальнага рэстарана “Поедем поедим”, — расказала журналістка ў анлайн-трансляцыі, якую вяла падчас затрымання. У Курапатах перад гэтым была прэс-канферэнцыя праціўнікаў рэстарана “Поедем поедим”.

    У 2018 годзе Вольгу Чайчыц 14 разоў штрафавалі за нібыта парушэнне заканадаўства аб СМІ — супрацоўніцтва са спадарожнікавым тэлеканалам “Белсат” (Польшча). ГА “Беларуская асацыяцыя журналістаў” лічыць такі пераслед журналістаў незаконным.

    20:32. У выніку супраць журналістаў склалі адміністрацыйныя пратаколы за нібыта парушэнне парадку вырабу і распаўсюду прадукцыі СМІ — працу без акрэдытацыі на спадарожнікавы тэлеканал «Белсат».

    Нагадаем, што «Белсат» шмат гадоў дабіваецца акрэдытацыі для сваіх журналістаў у Беларусі, але да гэтага часу — безвынікова.

    А міліцыя і суды караюць журналістаў штрафамі паводле адміністрацыйнага артыкула 22.9 за незаконны выраб і распаўсюд прадукцыі СМІ. Хоць, паводле беларускага заканадаўства, вырабам і распаўсюдам прадукцыі СМІ займаецца менавіта рэдакцыя, а не журналісты.

    Пасля складання пратаколаў журналісты вызваленыя.

    Штрафы журналістам па арт. 22.9 КаАП (табліца) АБНАЎЛЯЕЦЦА

     

    «Я веру ў Цуд». Прэзентацыя кнігі Сяргея Ваганава — 24 студзеня

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці