• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналістку аштрафавалі за фота мужа падчас размовы з міліцыянтам

    Суддзя Маскоўскага раёна Брэста Раіса Лабачэўская прыняла такое рашэнне 14 лістапада, але журналіст-фрылансер, сябра ГА “БАЖ” Мілана Харытонава даведалася пра гэта праз тыдзень.

    Мілана Харытонава вырашыла не браць удзел у судовым працэсе, бо лічыць справу палітычна матываванай. Журналістку прызналі вінаватай на падставе часткі 2 артыкула 22.9 КаАП (праца на замежны СМІ без акрэдытацыі) за тое, што 4 кастрычніка сфатаграфавала ў пад’ездзе ўласнага дома той момант, калі супрацоўнік Маскоўскага РАУС Брэста Эдуард Уласюк уручаў позву ў міліцыю яе мужу і калегу Алесю Леўчуку. Фатаграфія пазней з’явілася на сайце тэлеканала “Белсат”.

    У якасці галоўнага сведкі падчас разгляду гэтай справы выступіў менавіта Эдуард Уласюк. У выніку суддзя Лабачэўская пакарала Харытонаву штрафам у памеры 25 базавых велічынь, што складае 612,5 рубля.

    Сама Мілана Харытонава лічыць абсурдным такое пакаранне, бо мае права паводле Канстытуцыі распаўсюджваць інфармацыю і размяшчаць у адкрытым доступе ў сацыяльных сетках, адкуль яна можа трапіць у любы сродак масавай інфармацыі. 

    Цягам апошніх двух месяцаў Мілану Харытонаву судзілі шэсць разоў, а Алеся Ляўчука — пяць. Агульны штраф гэтых брэсцкіх журналістаў-фрылансераў складае 9937 рублёў.

    Рэпрэсіі супраць журналістаў у Беларусі ў 2018 годзе (табліца, абнаўляецца)

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці