У адносінах да Ларысы Шчыраковай складзены адміністрацыйны пратакол
1 мая 2017
Пасля санкцыянаванага мітынгу ў Гомлі была затрымана журналістка Ларыса Шчыракова, якая супрацоўнічае з Белсатам – у адносінах да яе быў складзены пратакол па арт. 22.9 КаАП «Парушэнне заканадаўства аб сродках масавай інфармацыі».
На мітынгу журналістка вяла стрым.
Як паведаміла Шчыракова ў інтэрвʼю Белсату, калі яна ўжо сыходзіла з мітынгу, да яе падʼехала міліцэйская машына, з якой выскачылі два супрацоўніка і зацягнулі яе ў аўто. Падчас затрымання міліцыянты не прадставіліся і нічога не патлумачылі Шчыраковай.
Журналістка правяла больш за гадзіну ў Чыгуначным РАУСе, дзе на яе быў складзены пратакол за парушэнне закона аб СМІ. На дадзены момант Шчыракову вызвалілі, але ў РАУСе застаецца яшчэ адна журналістка – Марына Драбышэўская.
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Больш матэрыялаў
«Радыё Свабода» выпускае падкаст-серыял пра «ўсе кругі пекла карнай сістэмы рэжыму Лукашэнкі»
04.04.2024
Ex-press.livе прызнаны «экстрэмісцкім фармаваннем»
08.11.2023
У Капенгагене рыхтуюць выставу беларускага фатографа Сяргея Гапона
19.04.2024
Сілавікі апублікавалі відэа з затрыманай супрацоўніцай медыя, высвятляем яе асобу
16.02.2024