Журналістку Насту Захарэвіч пакаралі 7 суткамі арышту за ўдзел у несанкцыянаванай вулічнай акцыі
7 верасня 2020
Прэс-служба ГА "Беларуская асацыяцыя журналістаў"
Такое рашэнне вынесла суддзя Цэнтральнага суда Мінска Вікторыя Шабуня.
Журналістка «Зялёнага партала» Наста Захарэвіч была затрыманая ў Мінску 5 верасня.
Супрацоўнік міліцыі сведчыў у судзе, што Захарэвіч ішла з дэманстрантамі. Сама Наста падкрэслівала, што падчас вулічнага шэсця яна рабіла фота падзей, якія пасля планавала прапанаваць розным медыя для публікацыі.
Аднак суд не прыняў яе аргументаў. Насту Захарэвіч пакаралі арыштам на 7 сутак за ўдзел у несанкцыянаванай вулічнай акцыі (арт. 23.34 КаАП).
Наста мае праблемы са здароем і мусіць рэгулярна прымаць лекі.
Калегі і родныя змаглі перадаць для Насты лекі і неабходныя рэчы вечарам 7 верасня.
Суддзя Вікторыя Шабуня шмат разоў выносіла абвінаваўчыя прысуды журналістам «Белсата».
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Больш матэрыялаў
Дэпутат нямецкага Бундэстагу Робін Вагенер напісаў адкрыты ліст Ігару Лосіку
20.05.2024
Ізноў затрымана рэдактарка светлагорскага «Ранку». Яе калега таксама ў ІЧУ
08.12.2023
У адказ на блакіроўку Еўрасаюзам расійскіх СМІ ў Расіі заблакавалі «Белсат»
25.06.2024
Зняволенага магілёўскага відэааператара Яўгена Глушкова прызналі палітвязнем
19.02.2024