Турэцкую журналістку арыштавалі за прыказкі: іх палічылі абразай прэзідэнта
23 студзеня 2022
Турэцкую журналістку Седэф Кабаш арыштавалі і адправілі за краты пасля інтэрв'ю ў жывым эфіры апазіцыйнага турэцкага канала Tele 1. Кабаш працытавала некалькі прыказак, якія чыноўнікі палічылі абразай у адрас Эрдагана. Пра гэта паведамляе РБК са спасылкай на CNN Turk.
Седэф Кабаш
Падчас прамога эфіру на канале Tele 1 яна ўспомніла прымаўку «каранаваны становіцца мудрэй» і назвала яе непраўдзівай. Кабаш заявіла, што быдла ў палацы не стане каралём, а палац ператворыцца ў свіран.
Пракуратура горада пачала расследаванне. За гэтыя словы ў кантэксце размовы пра Эрдагана яе затрымалі каля 2:00 22 студзеня і даставілі ў Палац правасуддзя ў Стамбуле. Пракуратура падала ў суд хадайніцтва аб арышце.
Міністр юстыцыі заявіў, што «праклінае выродлівыя словы, якія накіраваныя супраць нашага прэзідэнта, абранага галасамі нашай нацыі».
Некамерцыйная арганізацыя «Рэпарцёры без межаў» адрэагавала на арышт Кабаш заўвагай, што за час прэзідэнцтва Эрдагана па аналагічных абвінавачаннях былі асуджаныя больш за 70 журналістаў.
@bajmedia
«Такое можна ўбачыць толькі ў кіно». Эстонскі фатограф зняў навальніцу падчас паўночнага ззяння
05.08.2024
В России на журналистку Радио Свобода Алсу Курмашеву завели еще одно уголовное дело — за антивоенную книгу
13.12.2023
Улады Славакіі абвінавацілі СМІ ў датычнасці да нападу на прэм’ер-міністра
17.05.2024
Украінскае МЗС прэзентавала згенераванага штучным інтэлектам прэс-сакратара
02.05.2024
