Рашэннем суда знішчылі 25 кніг журналіста Дзяніса Івашына. Якія?

«21 стагоддзе, цэнтр Еўропы, чаму б не пачаць паліць кніжкі! Тым больш, што ў гісторыі гэта ўсё ўжо было не так даўно… Я не ведаю, якім невукам трэба быць, каб з сур’ёзным выглядам дэклараваць «сацыяльна небясьпечным» ці «экстрэмісцкім»… вайсковы тэрміналагічны слоўнік», — напісала жонка палітвязня Вольга Івашына.

Яна прыводзіць увесь спіс знішчанай літаратуры:

• «З невичерпного джерела»,

• «Абэцэда»,

• «Беларускі нацыяналізм»,

• «Чаму беларус абавязаны быць нацыяналістам»,

• «Вайсковы слоўнік»,

• «108 дзён і начэй у засьценках КДБ»,

• «О сектантах»,

• «Таталітарызм»,

• «Прапаганда»,

• «Хрышчэньне нацыі»,

• «Беларусь за 10 падарожжаў»,

• «Светапоглядныя асновы дэмакратычнага руху»,

• «Антыбальшавіцкія паўстаньні і партызанская барацьба на Беларусі»,

• «З невичерпного джерела»,

• «Гібридная война»,

• «Крим за завісою»,

• «Хроника гибридной войны»,

• «Смисли і війни»,

• «Росія: ідентичность агресора»,

• «Вторжение в Украину»,

•  «Донбасс в огне»,

• «ОУН і УПА в боротьбі за Українську Державу»,

• «Міжнародний центр протидіі Російській пропаганді»,

• «Тенденціі у світі»,

• «Індекс війни».

Дзяніс Івашын — журналіст-расследавальнік, прадстаўнік супольнасці Inform­Na­palm. Па адукацыі эканаміст і палітолаг. Жанаты. З’яўляецца аўтарам шэрагу гучных журналісцкіх расследаванняў, супрацоўнічаў з газетай «Новы Час». Адно з апошніх сур’ёзных расследаванняў Дзяніса — Каго ці што абараняе «Беркут» у Беларусі. У ім вялося пра выяўленых экс-байцоў украінскага «Беркута» на службе ў беларускім АМАПе. Арыштаваны ў сакавіку 2021 года, напрыканцы таго ж года абвінавачаны ў «здрадзе дзяржаве». Прызнаны палітычным вязнем.

Дзяніс асуджаны на 13 гадоў 1 месяц калоніі ўзмоцненага рэжыму са штрафам у 150 базавых велічынь (4800 рублёў) па ч. 1 арт. 356 «Здрада дзяржаве» і ч. 1 арт. 179 КК «Незаконныя збіранне альбо распаўсюд інфармацыі аб прыватным жыцці». Адбывае пакаранне ў папраўчай калоніі № 15 у Магілёве, неаднаразова трапляў там у штрафны ізалятар. Ліставанне з Дзянісам нерэгулярнае, многія лісты не даходзяць у абодва бакі. Паводле апошняй інфармацыі ад родных, журналіста зноў маглі кінуць у ШІЗА, бо ён не выйшаў на запланаваную сувязь.

Чытайце яшчэ:

Закладнік уласнай сістэмы. Чаму прапаганда так нязграбна рэагавала на знікненне Лукашэнкі

Выйшла новае відэа Пасольства Германіі ў Мінску. Гэтым разам — на тэму свабоды прэсы

«Ватыкан праігнараваў свайго шчырага верніка Ігара Лосіка». «Хрысціянская візія» не атрымала адказу на зварот да Папы Рымскага