Міністэрства інфармацыі разблакавала рэгіянальны сайт BrestNote
16 жніўня 2023
Прыблізна месяц таму брэсцкі сайт BrestNote раптам стаў недасяжны для карыстальнікаў. Аказалася, што інтэрнэт-рэсурс заблакаваны на загад Міністэрства інфармацыі. Падставай сталася тое, што ў архіве публікацый знаходзілася гіперспасылка на СМІ, якое пазней было прызнанае ўладамі «экстрэмісцкім». Днямі сайт аднавіў працу.
Як адзначала рэдактарка brestnote.by Наталля Пармон, блакіроўка адбылася раптоўна: ніякіх папярэджанняў ад Мінінфармацыі Беларусі не было.
«Я звярнулася ў міністэрства з лістом і паведаміла, што тая спасылка выдаленая, і гатовая пачысціць сайт, калі там яшчэ ёсць падобныя публікацыі, — напісала ў Facebook Наталля Пармон. — Але для гэтага трэба зняць блакіроўку, таму што ў закрытым выглядзе такое зрабіць практычна немагчыма».
У выніку сайт brestnote.by зноў працуе, а рэдактарка мусіць пераправерыць на прадмет падобнага «экстрэмізму» больш за 40 тысяч публікацый, што з’явіліся на на старонках выдання з 2017 года.
«За час вымушаных канікул я паглядзела «Дом дракона» і здужала два сезоны «Гульні тронаў», — з гумарам адзначае Наталля Пармон.
Дарэчы, нататка са спасылкай, якая з’явілася нагодай для блакіроўкі, была апублікавана за паўтара года да таго, як тое СМІ прызналі «экстрэмісцкім».
Чытайце яшчэ:
«У калоніі дапамагаў іншым зняволеным, але непублічна, таемна». Інтэрв’ю Леаніда Судаленкі для БАЖ
The Insider рассказал про волну отравлений российских журналистов и активистов в Европе
Памёр пісьменнік і журналіст Віктар Карамазаў
@bajmedia
Блогера Аляксандра Ігнацюка вінавацяць у садзейнічанні экстрэмісцкай дзейнасці, вымагальніцтве і паклёпе
11.03.2024
БАЖ пачаў маніторынг прарасійскай прапаганды на дзяржтэлеканалах Беларусі
06.02.2024
У Беларусі затрымалі журналіста Ігара Ільяша
22.10.2024
У журы прэстыжнай амерыканскай кінапрэміі «Залаты глобус» увайшлі двое беларускіх кінакрытыкаў
18.06.2024
