Расійскія СМІ распаўсюдзілі дэзінфармацыю з фэйкавага тэлеграм-канала КДБ Беларусі
24 верасня 2026
На фэйкавым Telegram-канале КДБ Беларусі (@kgb_kanal) з’явілася навіна пра спыненне дзейнасці групы, якая рыхтавала дыверсію на адным са стратэгічных аб’ектаў Расіі. Фальшыўцы паверылі вядучыя расійскія СМІ, а затым «навіна» разышлася амаль па ўсіх расійскіх інтэрнэт-выданнях.
«Паводле наяўных звестак, каардынацыя ажыццяўлялася з тэрыторыі Украіны, а Беларусь планавалася выкарыстаць у якасці транзітнага маршруту для перадачы абсталявання, беспілотных лятальных апаратаў і сродкаў сувязі ўдзельнікам групы», — загадкава апісалі спецаперацыю ананімныя аўтары фэйкавага тг-канала.
У пастку трапілі «Ведомости», «Раша Тудэй», «Вести», «Лента.ру», Life.ru, «Интерфакс» і дзясяткі іншых расійскіх СМІ. Услед за імі фэйк падхапілі і беларускія медыя.
Публікацыя ў «Ведомостях». Скрыншот: Reform.news
Справа ў тым, што ў Камітэта дзяржаўнай бяспекі Беларусі фактычна няма афіцыйных каналаў у сетцы. У красавіку 2024 года «Кіберпартызаны» заявілі пра ўзлом сайта КДБ, і з таго часу ён не працуе. У Telegram беларуская спецслужба спрабавала стварыць афіцыйны канал па адрасе @KGB_BY_channel, але ён абнаўляецца нерэгулярна і выкарыстоўваецца толькі для публікацыі абнаўленняў у Пераліку арганізацый і фізічных асоб, датычных да тэрарыстычнай дзейнасці.
@bajmedia
«Экстрэмісцкі» спіс Мінінфарма: інтэрнэт-рэсурсы «Медиазоны.Беларусь», «Салідарнасці» і NEXTA
28.08.2026
Улады Беластока прадаставяць жыллё для сям’і Анджэя Пачобута
29.07.2026
Рэпартаж «Радыё Рацыя» трапіў у шорт-ліст прэміі Адамовіча
03.09.2026
Латушка прапанаваў ЕС увесці санкцыі супраць БелТА і Мінінфармацыі
31.08.2026
