Беларусь трапіла ў дзясятку краін з самым нізкім рэйтынгам свабоды СМІ
29 мая 2017
У рэйтынгу свабоды СМІ, які склаў Амерыканскі інстытут даследавання сацыяльнай думкі (Інстытут Гэлапа), Беларусь займае 9-е месца знізу. Агулам у спіс увайшла 131 дзяржава свету.
Горш за Беларусь справы ў незалежных СМІ ідуць толькі ў Рэспубліцы Конга, Емене, Венесуэле, Украіне, Габоне, Паўднёвым Судане, Дэмакратычнай Рэспубліцы Конга і Маўрытаніі. Дарэчы, Расію амерыканскія навукоўцы ў спіс краін з нізкім узроўнем свабоды СМІ не ўключылі, падкрэслівае thinktanks.by.
У рэйтынгу даверу да СМІ першыя месцы займаюць еўрапейскія краіны. Больш чым 90 % жыхароў Даніі, Нарвегіі, Фінляндыі, Швейцарыі, Нідэрландаў, Ірландыі ды Швецыі мяркуюць, што іх СМІ маюць шмат свабоды. У ЗША ў незалежнасць СМІ вераць 82 % рэспандэнтаў.
Вынікі рэйтынгу заснаваныя на тэлефонных апытаннях і інтэрв’ю «твар у твар». У кожнай краіне былі апытаныя прыкладна 1 000 дарослых ва ўзросце ад 15 гадоў і старэйшых.
ТОП-10 краін з самым нізкім узроўнем свабоды СМІ
| Малдова | 35 % |
|---|---|
| Беларусь | 32 % |
| Рэспубліка Конга | 30 % |
| Емен | 30 % |
| Венесуэла | 29 % |
| Украіна | 29 % |
| Габон | 29 % |
| Паўднёвы Судан | 28 % |
| Дэмакратычная рэспубліка Конга | 26 % |
| Маўрытанія |
22 % |
@bajmedia
Алег Агееў: Нам трэба быць гатовымі да таго, калі адкрыецца акно магчымасцяў
04.09.2025
«Калі дзьме вецер, хтосьці хаваецца, а хтосьці ставіць ветракі»: У Вільні стартаваў «Журфак па суботах»
06.10.2025
В базе розыска РФ появились очередные беларуские журналисты
09.04.2025
На медыяхвалях рэпрэсій: як пераследуюць журналістыку ў Беларусі
08.09.2025
