• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Алег Сянцоў трапіў у рэанімацыю

    Украінскі рэжысёр Алег Сянцоў, асуджаны ў Расіі, знаходзіцца ў рэанімацыі бальніцы горада Лабытнангі пасля 145 дзён галадоўкі. Пра гэта яго сястра Наталля Каплан паведаміла ўкраінскаму тэлеканалу «24».

    Паводле Каплан, адмова ад ежы прывяла да незваротных наступстваў для здароўя: у Сянцова праблемы з сэрцам, мозгам, страўнікам, печанню, ныркамі, кішэчнікам.

    Каплан адзначыла, што рэжысёр ужо напісаў завяшчанне. «Ён не верыць, што выйдзе, або, можа і верыць, але ўжо не чакае гэтага. Я спадзяюся, што мы яго адтуль выцягнем», — кажа сястра.

    6 кастрычніка Сянцоў вымушана спыніў галадоўку, паколькі яго сабраліся карміць прымусова. За 145 дзён ён схуднеў на 20 кілаграмаў і сур’ёзна падарваў здароўе.

    Алега Сянцова затрымалі 11 траўня 2014 на тэрыторыі акупаванага Крыма і абвінавацілі ў падрыхтоўцы тэракту на паўвостраве падчас незаконнай анэксіі Расіяй. Пазней яго абвінавацілі ў захоўванні зброі і выбухоўкі. У жніўні 2015 года ў Расіі Сянцова прысудзілі да 20 гадоў зняволення ў калоніі строгага рэжыму ў горадзе Лабытнангі. А 14 мая 2018 года Сянцоў абвясціў галадоўку з патрабаваннем вызваліць усіх украінскіх палітвязняў, якія ўтрымліваліся ў Расіі і ў Крыму.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці