• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Арганізацыя прэс-канферэнцыі па справе Regnum’а з’яўляецца заўчаснай, — СК адказаў БАЖу

    Следчы камітэт лічыць заўчасным правядзенне прэс-канферэнцыі для СМІ па справе абвінавачаных Regnum'аўцаў Паўлаўца, Алімкіна і Шыпценкі. Гэта вынікае з адказу на зварот ГА “Беларуская асацыяцыя журналістаў” адносна прадастаўлення журналістам інфармацыі па гучных крымінальных справах. Наконт інфармацыі па “справе патрыётаў” у адказе ні слова.

    — З моманту ўзбуджэння крымінальнай справы ў дачыненні Ю. Паўлаўца, Д. Алімкіна і С. Шыпценкі Следчым камітэтам давалася афіцыйная інфармацыя розным СМІ, у тым ліку замежным, не менш за пяць разоў, — гаворыцца ў адказе начальніка аддзела інфармацыі і сувязяў з грамадскасцю цэнтральнага апарату СК Сяргея Кабаковіча.

    — Зыходзячы з сітуацыі па крымінальнай справе, узбуджанай у дачыненні Ю. Паўлаўца, Д. Алімкіна і С.Шыпценкі, арганізацыя прэс-канферэнцыі з удзелам прадстаўнікоў СМІ з’яўляецца заўчаснай, — адзначаецца ў адказе.

    Нагадаем, у траўні ГА “Беларуская асацыяцыя журналістаў” афіцыйна звярталася да кіраўнікоў Следчага камітэта, КДБ і генеральнага пракурора з заклікам агучыць інфармацыю аб ходзе расследавання рэзанансных крымінальных спраў: “справы патрыётаў” і “справы Reg­num’аўцаў”.

    БАЖ заклікае сілавікоў агучыць інфармацыю аб ходзе расследавання «справы патрыётаў» для ўсіх СМІ

    Абвінавачаныя па так званай “справе патрыётаў” знаходзяцца за кратамі з сакавіка гэтага года, аднак афіцыйнай інфармацыі для журналістаў СМІ ўсіх формаў уласнасці так і не было прадастаўлена.

    Выходзілі ў свет толькі матэрыялы некаторых дзяржаўных СМІ, заснаваныя, як сцвярджалася ў іх, на інфармацыі следства. Пры гэтым, як правіла, не называліся ні аўтары гэтых матэрыялаў, ні службовыя асобы, якія падалі звесткі па крымінальных справах, а самі матэрыялы часта выглядалі суб’ектыўнымі і аднабаковымі.

    Падобным жа чынам прадастаўляецца ў СМІ і інфармацыя па «справе Reg­num’аўцаў» Ю. Паўлаўца, Д. Алімкіна і С. Шыпценкі, якія ўжо амаль палову года ўтрымліваюцца пад вартай па абвінавачанні ў распальванні нацыянальнай варожасці. Гэтая крымінальная справа таксама выклікае грамадскі рэзананс, разам з тым агучваецца мінімальная афіцыйная інфармацыя аб ходзе расследавання.

    Адказаў ад КДБ і Генеральнай пракуратуры ГА “Беларуская асацыяцыя журналістаў”  пакуль не атрымала.

    Фота sk.gov.by

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці