Аўтарская калонка Яўгена Валошына

Я нарадзіўся ў 1986-ым годзе і марыў быць спартоўцам. Ці (як мінімум) спецагентам па выратаванні свету. Але ў трэцім класе сярэдняй школы бацькі ўзяліся выпраўляць становішча, і за дзесяць пяцёрак запар выдавалі мне шакаладны “кіндэр”. Так я зрабіўся добрым вучнем і пасля базавай школы трапіў на філфак Ліцэя пры БДУ. Калі прыйшоў час паступаць ва ўніверсітэт, пэўныя людзі параілі не ісці на філфак, бо, маўляў, можна абабіцца, што нават барада перастане расці. Так я апынуўся на журфаку БДУ. У студэнцкія гады я пайшоў працаваць карэспандэнтам у “Камсамольскую праўду”. Пасля, на апошнім курсе навучання, – у“Еўрапейскае радыё для Беларусі”. Адтуль – у газету “Звязда”, дзе, як ні дзіўна, мы рыхтавалі паўнавартасныя журналісцкія расследаванні. За працу ў гэтым жанры, магу пахваліцца, я двойчы атрыміваў першае месца на конкурсе БАЖ “Вольнае слова”. Але з канца 2011 года ў “Звяздзе” не працую. Займаюся пошукам новых журналісцкіх формаў.