Беларускія медыйшчыцы атрымалі ўзнагароды за ўнёсак у развіццё медыясектара і прыклад публічнага жаночага лідарства

У пачатку жніўня беларускія журналісткі, медыяменеджаркі і медыяменеджары, эксперткі, прадзюсары і блогеры сабраліся на другую галіновую канферэнцыю «Жанчыны+медыя 2024».

Дыпломы беларускіх медыйшчыц за ўнёсак у развіццё медыясектара і прыклад публічнага жаночага лідарства. Фота прадастаўлена арганізатарамі

Асноўнай тэмай сустрэчы стала гендэрная адчувальнасць медыяў і прадстаўленасць жаночых галасоў, удзел жанчын у фармаванні актуальнага інфармацыйнага парадку дня і развіцці новых фарматаў для прыцягнення і ўтрымання жаночых аўдыторый.

Арганізатары другой канферэнцыі «Жанчыны + Медыя» узнагародзілі беларускіх медыйшчыц адзнакамі за ўнёсак у развіццё медыясектара і прыклад публічнага жаночага лідарства.

Арганізатары канферэнцыі падкрэсліваюць, што праз гэтыя ўзнагароды хацелі б aдзначыць вялізную ролю жанчын у беларускім незалежным медыясектары пачынальна ад пазіцый журналістак да топ-менеджарак выданняў, якія здолелі захаваць альбо перазапусіць медыя ў складаны час рэлакаацыі.

Узнагароды атрымалі:

Яўгенія Доўгая і Наста Захарэвіч, медыйны праект «Палітвязанка» — за руплівасць і настойлівасць у падтрымцы жанчын у няволі;

Ірына Новік — за шматгадовую адданую прафесійную працу і натхняльную адкрытасць новаму;

Наста Роўда — за таленавітае спалучэнне эффектыўнага менеджмента і яркай журналістыкі;

Жэня Сугак — за смеласць у адстойванні сваёй пазіцыі, гендерную чуллівасць і персанальны унёсак у развіцце публічнай дыскусіі;

Аляксандра Пушкіна — за прафесійную мужнасць, нестомную працу і камандны дух;

Вольга Лойка — за адданасць прафесіі, прынцыповасць і жаданне несці адказнасць за новыя праекты;

Ганна Лепяшкевіч — за мужнасць рызыкнуць і зрабіць першыя крокі ў медыяпрафесію ў складаныя часы.