• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Брэсцкі журналіст просіць прыцягнуць да адказнасці міліцыянта за падробку пратакола

    Сябра ГА “Беларуская асацыяцыя журналістаў” Алесь Ляўчук накіраваў скаргу ў Брэсцкі абласны суд, бо нязгодны з рашэннем суда першай інстанцыі, які пакараў яго штрафам за супрацоўніцтва з “Белсатам”.

    Алесь Ляўчук нагадвае, што суддзя Маскоўскага раёна Брэста Раман Карабан аштрафаваў яго паводле артыкула 22.9 КаАП (парушэнне закона аб СМІ). Судовае пасяджэнне адбывалася без удзелу журналіста.

    Справа ў тым, што першапачаткова прызначаны суд не адбыўся з‑за неахайна складзенага ўчастковым міліцыянтам Раманам Трафімуком адміністратыўнага пратакола. Пра перанос справы на іншы дзень брэсцкі журналіст даведаўся з sms-паведамлення, якое Алесь Ляўчук атрымаў за 14 хвілін да пачатку судовага слухання.

    Але, як высветлілася пазней, падчас гэтага суда быў прадстаўлены іншы пратакол, дзе, у прыватнасці, няма тлумачэнняў самога Ляўчука. Затое пазначана, што журналіст нібыта адмовіўся падпісваць пратакол.

    “Гэта не толькі хлусня, але сапраўдная падробка дакумента з боку супрацоўніка міліцыі, — кажа Алесь Ляўчук. — Таму я прашу ў сваёй скарзе ў абласны суд адмяніць рашэнне суда Маскоўскага раёна і прыцягнуць да адказнасці міліцыянта, які парушыў закон”.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці