• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Чым прафесія журналіста можа дапамагчы пісьменніку

    Аўтар кнігі беларускага фэнтэзі "Сем камянёў", пісьменнік і журналіст Аляксей Шэйн сустрэўся з гродзенцамі ў Цэнтры гарадскога жыцця.

    — У свой час я працаваў у штотыднёвіку “Літаратура і мастацтва”. Гэта былі яшчэ 1990‑я гады, адносна вольныя часы. Супрацоўнічаў з газетай “Свабода” Ігара Герменчука, працаваў у агенцтве БелаПАН. Калі журналіст становіцца пісьменнікам, у яго ёсць тое, што яму дапамагае, і тое, што перашкаджае, — распавёў Аляксей Шэйн пра свой досвед пераходу да пісьменніцкай працы.

    У працы пісьменніка перашкаджаюць здабытыя за гады журналісцкага стажу моўныя штампы, публіцыстычнасць, заўсёды трэба сачыць за мовай. А дапамагае ўменне журналіста сябе пасадзіць за стол і пісаць, незалежна ад натхнення. Бо без гэтага пісьменнікам можна і не стаць. Можа быць, можна на нейкіх проблесках натхнення выдаць кнігу, але калі мы кажам пра прозу ў жанры рамана альбо аповесці, то патрэбны журналісцкі падыход — як да прафесіі, да працы.

    Аляксей Шэйн распавёў, што і цяпер час ад часу нешта робіць у журналістыцы як фрылансер. А таксама піша кнігу па гісторыі Беларусі, якая дапаможа распавесці школьнікам пра нашу краіну ў цікавай форме.

    Аляксей адзначае, што ў беларускага фэнтэзі ёсць свае адметнасці, бо жанр пакуль абсалютна не сфармаваны:

    — Гэтых кніжак вобмаль, а кніжак па-беларуску — тым больш. Любы чалавек, які напіша кнігу фэнтэзі па-беларуску, будзе ў нейкім сэнсе тым, хто фармуе жанр. Гэты жанр дазваляе ствараць алюзіі на беларускае жыццё, на гістарычную Беларусь

    Па словах аўтара, асноўнай ідэя кнігі «Сем Камянёў» ёсць каханне, вера і свабода. «Гэта тры рэчы, якіх нам усім не хапае», — гаворыць Шэйн.

    Фота Аляксандра Саенкі

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці