Сярод 20 беларускіх экспертаў, у дачыненні да якіх адкрытая «спецвытворчасць», — тры прадстаўнікі медыясферы

Учора, 24 студзеня, Следчы камітэт распачаў «спецвытворчасць» у дачыненні да 20-ці чалавек. Іх абвінавачваюць у тым, што яны «прымалі актыўны ўдзел у выпрацоўцы і рэалізацыі канцэпцыі дэструктыўнай дзейнасці, накіраванай на прычыненне шкоды нацыянальнай бяспецы Рэспублікі Беларусь, а таксама садзейнічалі ўзбуджэнню сацыяльнай варожасці і варажнечы ў грамадстве».

У спісе — паважаныя і дасведчаныя людзі, якія рэгулярна выступаюць у публічнай прасторы: сацыёлагі, даследчыкі, палітолагі. Гэта эксперты, якія паслядоўна распавядаюць, да чаго вядзе рэжым Лукашэнкі, як гэтаму супрацьстаяць і што трэба зрабіць у Новай Беларусі.

У прыватнасці, у спісе фігуруе Ганна Красуліна — прэс-сакратарка Святланы Ціханоўскай, журналіст і аналітык «Радыё Свабода» Юрый Дракахруст, былая журналістка «Радыё Свабода» і тэлеканала «Белсат» Ганна Любакова. Іх абвінавачваюць па некалькіх артыкулах Крымінальнага кодэксу. Гэта тыповыя фармулёўкі, якія выкарыстоўваюцца ў дачыненні да апанентаў улады: «распальванне сацыяльнай варожасці», «заклік да захопу ўлады», «замова з мэтай захопа ўлады».

Чытайце яшчэ:

Затрыманы былы журналіст і палітвязень Сяргей Гардзіевіч

Затрымалі былую журналістку catholic.by Аксану Ючкавіч

У Віцебску затрымалі былога выдаўца і распаўсюджвальніка незалежнай прэсы Барыса Хамайду