Тры беларускі запусцілі ток-шоу «Трэба пагаварыць»
Аднайменныя тэлеграм-канал і старонку ў Фэйсбуку Крысціна Дробыш, Кацярына Ваданосава і Марыя Грыц пазіцыянуюць як «бяспечную прастору, дзе жанчыны дзеляцца гісторыямі пра свой балючы досвед і дапамагаюць адна адной». Праграма выходзіць на тэлеканале «Белсат».
«Трэба пагаварыць» — гэта найперш відэапраграма, «ток-шоу аб сённяшніх катастрофах і як выйсці з іх жывымі». У першым выпуску вядучыя Кацярына Ваданосава, Марыя Грыц і Крысціна Дробыш расказваюць, як яны спрабуюць пераадолець цяжкасці, з якімі сутыкнулася большасць беларусаў пасля 2020 года.
Таксама ў тэлеграм-канале праекта і на старонцы ў Фэйсбуку жанчыны звяртаюцца да сваіх глядачак і чытачак (а магчыма, гледачоў і чытачоў):
«Вітаем вас у нашай бяспечнай прасторы і запрашаем вас да яе далучыцца. Мы тут усе збіраемся з‑за таго, што ў кожнай з нас ёсць балючы досвед і хопіць усё гэта трымаць у сабе. Трэба пагаварыць.
Вядзём гэтую старонку мы ўтрох: Кацярына Ваданосава, Крысціна Дробыш і Марыя Грыц — жанчыны, маці, актывісткі. Бліжэй мы з вамі пазнаёмімся ў наступных пастах.
Таксама мы будзем запрашаць сюды ў госці экспертаў з розных сфер: псіхолагаў, сацыёлагаў, юрыстаў, медыкаў, сэксолагаў і г. д. Каб вы адсюль маглі вынясці ня толькі рэфлексію, але і карысныя веды.
Карацей кажучы, на гэтай старонцы мы будзем абмяркоўваць свае траўмы і разбіраць гісторыі, якія вы будзеце нам дасылаць. І разам мы будзем шукаць варыянты выйсце з крызісных сітуацый.
Яны, верагодна, не будуць ідэальна пасаваць для ўсіх, але мы распавядзем, што ратуе нас зараз і хаця бы на секунду».
Чытайце яшчэ:
Олег Агеев: «Я спросил: «А какое преступление вы хотите раскрыть при помощи карты, изданной в Австро-Венгерской империи?»
Штрафы, задержания, блокировка, «экстремизм». Шесть лет исполняется Hrodna.life 10 октября
«Пераехаўшыя»: гісторыі пераезду ў розныя краіны ад беларускіх журналістаў. Кожную сераду. Анлайн а 19:00
![](https://baj.media/wp-content/themes/baj/assets/images/telegram-logo.jpg)