У Грэцыі журналісты абвясцілі страйк. Яны маюць намер два дні не перадаваць навіны.
Прычына ў мерах эканоміі грэчаскіх уладаў і крэдытораў, якія фінансуюць сферу СМІ. Вядучыя медыйныя прафсаюзы патрабуюць захаваць сістэму сацыяльнага страхавання, дзякуючы якой журналісты атрымліваюць дадатковыя пенсіі і медыцынскую дапамогу.
Да пратэсту далучыліся інтэрнэт-сайты, работнікі радыё і тэлебачання.
Гэта ўжо трэцяя забастоўка за месяц. Заяву падпісалі Саюз журналістаў штодзённых афінскіх газет, Саюз журналістаў перыядычнага электроннага друку, прафсаюзы журналістаў Салонікаў, Македоніі і Фракіі.