• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Каманда мары, ці як становяцца лідарамі БАЖ

    Як па-майстэрску аргументаваць уласную пазіцыю і эфектыўна прэзентаваць сябе і свае ідэі? Як натхняць і арганізоўваць іншых людзей, каб не заржавець самому і арганізацыі, як рабіць свет вакол сябе цікавейшым і лепшым? Гэтаму і многаму іншаму вучыліся ўдзельнікі лідарскага курса БАЖ, выпускны якога адбыўся ў мінулыя выходныя.

    На працягу года журналісты рэгіянальных суполак БАЖ вучыліся “фішкам” эфектыўнай камунікацыі, тайм-менеджменту, планаванню крок за крокам адукацыйных мерапрыемстваў і грамадскіх кампаній, а таксама выкрышталізавалі бачанне свайго ўласнага развіцця і развіцця арганізацыі. Прапануем падвесці вынікі разам. Але спачатку адкажам на галоўнае пытанне:

    Навошта такі курс быў увогуле патрэбны?

    Па словах намесніцы старшыні БАЖ Аліны Суравец, каб арганізацыя выконвала свае мэты і задачы, ёй патрэбныя актыўныя і крэатыўныя сябры, здольныя самастойна прымаць разумныя рашэнні, арганізоўваць жыццё арганізацыі, адказваць на ўнутранныя і знешнія выклікі і пагрозы.

    “Мэта гэтага лідарскага курсу — падрыхтаваць актывістаў рэгіянальных структураў ГА “БАЖ” да грамадскай працы, дапамагчы ім набыць кампетэнцыі  для асабістай актыўнасці, добрай каммунікацыі ўнутры філіяў і наладжвання актыўнага жыцця ў рэгіёнах.

    Менавіта праз лідарскія курсы мы выяўляем тых асобаў, якія з цягам часу становяцца лідарамі не толькі ў сваіх калектывах і суполках, але і ўваходзяць у кіруючыя органы БАЖ (Рада, Праўленне).

    Першапачатковая мэта дасягнута: ёсць 16 рэгіянальных актывістаў, якія ўжо сталі рухавіком дзеянняў у некаторых філіях, рэалізатарамі новых ідэяў і ініцыятываў. Пра доўгатэрміновы вынік, як кажуць, пажывем — пабачым”, — адзначыла Аліна Суравец.

    Па яе словах, ідэя распачаць такі курс добра кладзецца на рэалізацыю стратэгіі БАЖ. Адзін з прыярытэтаў якой — арганізацыйнае развіццё.

    “БАЖ –  жывы і дзеючы арганізм. І нам,  як любому арганізму, патрэбна фізічная і псіхалагічная актыўнасць. Час ад часу людзі стамляюцца, выгараюць прафесійна і эмацыйна, сыходзяць з прафесіі ці губляюць інтарэс да справы. Калі не ўзнаўляць гэты працэс новымі сіламі, больш маладымі і актыўнымі, арганізацыя можа сысьці ў нябыт. Вось чаму так важна акамуляваць унутранныя рэзервы і падпітваць “арганізм” новымі ідэямі, ініцыятывамі, актыўнасцямі.

    Гэта доўгі і складаны працэс, як кажуць, без гарантыяў. Але калі мы працуем цяпер на тое, каб каштоўнасьці і традыцыі арганізацыі (якой дарэчы ўжо больш за 22 гады) захоўваліся, клапоцімся пра тое, каб падрыхтаваць актывістаў, якія будуць трымаць арганізацыю ў тонусе, мы працуем на будучыню БАЖа.

    Дзякуючы лідарскаму курсу, кіраўнікі філіяў набылі сабе памочнікаў у будзёных справах, філіі — рэалізавалі свае новыя ідэі і ініцыятывы, арганізацыя атрымала 16  заангажаваных у справы актывістаў і больш актыўнасцяў у рэгіянальных структурах”, — патлумачыла  Аліна Суравец.

    Важнасць такіх курсаў падцвярджаюць і кіраўнікі філіяў.

    “Выхаванне лідараў у нашым журналісцкім асяроддзі вельмі важна і патрэба: павінны быць людзі, якія заменяць нас, старэйшае пакаленне, у будучыні. Нашы калегі вучацца самастойна нешта рабіць, быць галоўнымі, не чакаючы, што імі будзе хтосьці кіраваць. У кагосьці атрымліваецца лепш-горш, але яны маюць магчымасць паглядзець на іншых і браць прыклад”, — пракаментавала Алена Сцяпанава, кіраўніца віцебскай суполкі БАЖ.

    “Засталіся прыемная ўражанні ад навучання, таму што разумееш, колькі журналістаў сапраўды хочуць дзейнічаць і развіваюць незалежную прафесійную супольнасць. Я атрымаў карысныя веды, у першую чаргу звязаныя з працай у камандзе, планаваннем і арганізацыяй мерапрыемстваў, якія ўжо прымяняю на практыцы. І самае галоўнае — узаемадапамога паміж лідарамі па розных пытяннях. Калі такія курсы будуць працягвацца, то можна верыць, што будучыня ў БАЖ ёсць”, — адзначыў кіраўнік філіі ГА “БАЖ” у Брэсце Максім Хлябец.

    Максім Хлябец

    Што маем у сухім астатку?

    На выхадзе лідарскага курсу атрымаліся шмат цікавых праектаў, якія рэалізавалі сябры рэгіянальных суполак. Напрыклад, амбітная ініцыятыва “Эстафета добрых спраў”, якую курыраваў Ілля Дзянісаў. Сэнс такі: на працягу года рэгіянальныя філіі і суполкі БАЖ сваімі сіламі ладзілі дабрачынныя мерапрыемствы, тым самым  не толькі праяўлялі сваю актыўнасць і грамадзянскую пазіцыю, але і папулярызавалі арганізацыю і падвышалі яе аўтарытэт.

     Ілля Дзянісаў

    “Лідарскі курс быў важны асабіста для мяне тым, што з’явіліся новыя сувязі, знаёмствы, а таксама пэўны вопыт у планаванні і тайм-мэнэджмэнце. “Эстафета добрых спраў” паказала мне, што такое «планаванне і арганізацыйныя» моманты, і як цяжка атрымліваць зваротную сувязь. Нягледзячы на ўсё гэта, недзе ў падсвядомасці сябраў рэгіянальных структур адклалася, што ініцыятыва  існуе, і што рабіць нешта трэба. Магчыма, добрыя справы былі б рэалізаваны і без існавання “Эстафеты”, але яе сэнс быў перадусім у яднанні”, — адзначыў Ілля.

    У межах Эстафеты добрых справаў журналісты слуцкай газеты «Інфа-Кур’ер» разам з мотаклубам Iron Pride MC правялі дабрачынную акцыю для дзяцей з асаблівасцямі псіха-фізічнага развіцця. Віцебскія журналісты арганізавалі дапамогу адзінокай шматдзетнай маці.

    Гродзенскія БАЖаўцы сабралі грошы ў падтрымку хворай на рак дзяўчынкі

    У Лунінцы журналісты дапамаглі сабраць грошы на лячэнне цяжка хворага дзіцяці. На выпускным яны распавялі пра тое, што дзіця стала здаровым.

    Крычаўскія бажаўцы падтрымалі пісьменніка-ветэрана.

    Сябры слонімскай суполкі БАЖ сабралі і перадалі навагоднія і калядныя падарункі землякам з няпростым лёсам. Таксама ў рэдакцыі “Газеты Слонімскай” адбыўся майстар-клас па вырабу кармушак для птушак.

    Маладзечанскія журналісты “Рэгіянальнай газеты” і партала “Край.by” зладзілі збор корму і іншых патрэбных рэчаў для пункту часовага ўтрымання жывёлаў “Хачу дадому!”

    Поўны спіс усіх добрых спраў, а таксама фотаздымкі і артыкулы можна паглядзець па спасылцы. Адзначым, што выпускнікі курса падтрымалі ідэю зрабіць “Эстафету добрых спраў” традыцыйнай.

    Удзельнікі курса адзначаюць, што важным для іх была магчымасць на практыцы рэалізаваць нейкія ідэі і “пракачаць” свае лідарскія кампетэнцыі.

    “На маю думку, самае лепшае — гэта тое, што пасля тэарытычнага навучання ў нас была рэальная магчымасць зрабіць свой праект. Мы правялі шэраг дэбатаў – галоўны для нас вынік навучання”, — расказаў Аляксандр Буракоў.

    Андрэй Бастунец і Аляксандр Буракоў

    За год навучэнцы курса сапраўды зладзілі шмат цікавых мерапрыемстваў і праектаў. Напрыклад, нефармальныя сустрэчы журналістаў (Антон Сурапін) ў Баранавічах і Гародні, Hrod­na­me­di­a­room (Вольга Корсун), вандроўка на радзіму Святланы Алексіевіч (Марына Драбышэўская),  прэс-тур Baj­Jam ў Лунінцы (Алена Насковіч), трэнінгі па прафесійным выгаранні ў Баранавічах (Вольга Шуманская) і пафесійным майстэрстве ў Полацку (Віктар Стукаў), дабрачынныя акцыі ў Слоніме (Таццяна Дзенісюк), прэс-клуб з ліквідарамі Чарнобыльскай АЭС і ў працяг яго здымкі фільма пра ліквідатарў (Алена Шабуня).

    “Гэта не ўсё, што было ці яшчэ будзе рэалізавана нашымі  ргіянальнымі актывістамі.  Задзел атрымаўся добры, цяпер важна не згубіць  гэты імпэт і тэмп”, — дадала Аліна Суравец.

    “Лідарскія курсы — гэта не пра зараблянне хлеба”

    Увесь год з журналістамі працаваў вядомы беларускі трэнер і медыяэсперт Вітаўт Руднік, які не першы год займаецца навучаннем лідараў грамадскіх арганізацый, у тым ліку ГА “БАЖ”.

    “Першае, што хачу адзначыць, я люблю такія курсы, бо яны даюць магчымасць сустрэцца з некаторай кулькасцю амбітных людзей, якія маюць ідэі, жаданне штосьці змяніць у сваім жыцці, жыцці арганізацыі, да якой адчуваюць прыналежнасць, а таксама адчуваюць сваю адказнасць за яе лёс, любяць планаваць і здзяйснць свае планы. Лідарскія курсы, у тым ліку і курс БАЖ, дае магчымасць  натхніцца іх працай. І калі ты бачыш, што ідэі, якія з’язляюцца на першых мерапрыемствах курса, потым увасабляюцца ў маштабныя праекты, гэта дае адчуванне, што ўсё было не дарма”, — сказаў Вітаўт Руднік.

    Вітаўт Руднік

    Па яго словах, сянняшнія лідарскія курсы адрозніваюцца ад папярэдніх, таму што умовы працы як саміх журналістаў, так і БАЖ, значна пагоршыліся. 

    “Першыя лідарскія курсы былі вельмі плённыя з пункту гледжання таго, што многія людзі рэалізавалі сябе ў прафесіі і сталі на сёння вядомымі актывістамі БАЖ. Гэта было звязана з тым, што прастора журналістыкі была трошкі іншая, больш шырокая, было больш магчымасцяў. Зараз мы маем не самы лепшы час для рэалізацыі нейкіх ідэй, умовы працы пагоршыліся. Людзям у такой сітуацыі складаней сябе рэалізаваць, ды не ўсе разумеюць, чаму важна інвеставаць у сябе, у развіццё сваіх лідарскіх якасцей, бо можа лепей развівацца прафесійсна і зарабляць гэтым сабе на хлеб.

    Лідарскія курсы накіраваны ў першую чаргу не на зараблянне хлеба, а на тое, каб потым чалавек інвеставаў у сваю арганізацыю.

    З гэтага пункту гледзішча я бачу змены: цяпер больш людзей знаходзяцца ў невызначаным стане і часам не адразу разумеюць, навошта ім гэта лідарства ўвогуле патрэбна. Але гэта нармальна, таму што ніколі ні на адным лідарскім курсе не бывала так, што ўсе 100 % застануцца і будуць працаваць. Застаюцца тыя, хто сапраўды адчувае адказнасць за іншых людзей і здольны матываваць іх на нейкія перамены.

    Самым жа запамінальным за гэты год сталі дзве рэчы: тое, што мы зрабілі “Эстафету добрых справаў” — гэта амбітная задума, якая была рэалізавана досыць добра ў нашых умовах, і праект Hrod­na­Me­di­a­Room, які, на маю думку, з’яўляецца лепшым праектам, рэалізаваным за ўсе гады ў межах лідарскага курса”, — адзначыў Вітаўт Руднік.

    Цягам 2017 года рэгіянальныя актвівісты БАЖ сапраўды “далі жыцця”. У 2018 годзе адбудзецца новы набор актывістаў, якія жывуць і працуюць у Мінску.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці