Адкрыты набор у ментарскую праграму для фатографаў DO ART TOGETHER (дэдлайн — 26 сакавіка)

Ініцыятывы Pic­ture Doc і FSH1 прапануюць далучыцца да адукацыйнай праграмы DO ART TOGETHER. Запрашаюць эмігрантаў, у тым ліку з Беларусі, Украіны і іншых краін.

Праграма падыходзіць як для тых, хто ўжо мае досвед працы з візуальнымі праектамі, так і для пачаткоўцаў.

DO ART TOGETHER – гэта дзевяцімесячная ментарская праграма, якая спалучае адукацыю, мастацкае развіццё і сацыяльную інтэграцыю. Удзельнікі будуць працаваць у малых групах і індывідуальна з ментарамі – прафесыйнымі фатографамі, візуальнымі мастакамі і выкладчыкамі. Праграма ўключае тэарэтычныя лекцыі, практычныя варштаты і кансультацыі па асабістых праектах.

Структура праграмы:

• Удзел у лекцыях і варштатах.
• Працоўная супраца з выбраным ментарам над доўгатэрміновым праектам.
• Кансультацыі з экспертамі.
• Публічныя прэзентацыі работ у снежні.

Заняткі будуць праводзіцца афлайн у Варшаве і анлайн для тых, хто не можа ўдзельнічаць асабіста.

Ментары размаўляюць на польскай, англійскай, рускай, беларускай і ўкраінскай мовах. Асноўную мову група будзе вызначаць у пачатку праграмы.

Тэмы:

• Стварэнне наратыву ў фатаграфіі.
• Праца над індывідуальным праектам – ад канцэпцыі да рэалізацыі.
• Варштаты па візуальным сторытэлінгу, рэдагаванні фота і фотакнігах.
• Сучасныя тэхналогіі ў фатаграфіі – 3D-дызайн выстаў.
• Этыка ў фатаграфіі і праца з героямі праектаў.
• Прасоўванне сваёй творчасці – як працаваць на рынку і шукаць фінансаванне.

Дэдлайн падачы заявак: 26 сакавіка 2025 года.

ПАДРАБЯЗНАСЦІ І РЭГІСТРАЦЫЯ