Беларуска-нямецкі форуме па абмене досведам «Сase Exchange Weekend», 9–10 снежня, Мінск

Прадстаўнікі беларускіх некамерцыйных арганізацый ды ініцыятыў з Беларусі, а таксама валанцёры і маладыя спецыялісты запрашаюцца да ўдзелу ў Беларуска-нямецкім форуме па абмене досведам «Сase Exchange Week­end», які адбудзецца 9–10 снежня 2017 г. у Мінску.

Мэта форума — абмяняцца лепшымі практыкамі паміж прадстаўнікамі нямецкіх і беларускіх арганізацый у наступных абласцях: рэгіянальныя праекты, нефармальная адукацыя і моладзь, правы чалавека, сацыяльная інклюзія, ахова навакольнага асяроддзя, культура. Таксама ў беларускіх арганізацый будзе магчымасць наладзіць новыя партнёрствы з нямецкімі калегамі.

Апошні дзень рэгістрацыі на форум — 30 лістапада 2017 г.

У праграме — панельная дыскусія, майстар-класы, прамы абмен досведам, выстава беларускіх НДА, вывучэнне найбольш удалых кейсаў, прэзентацыя магчымасцей, якія прапануе Федэратыўная Рэспубліка Германія для Беларусі. Абяцаем цікавы фармат.

Арганізатары форума: ОДБ Брусель, установа «Human Con­stan­ta», нямецкая кансалтынгавая арганізацыя КоопФорум Інтэрнацыяналь (Германія).

Партнёры форума: Установа «Цэнтр экалагічных рашэнняў», Згуртаванне беларусаў свету «Бацькаўшчына», Галерэя сучаснага мастацтва «Ў», коледж Ліберал артс у Беларусі  «ECLAB».

Больш падрабязнасцей па спасылцы.