• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Эфектыўныя прэс-службы». Навучальны курс ад прафесіяналаў (да 19 студзеня)

    23.01.2016 — 19.03.2016, Мінск-Вільня.

    Для тых, хто хоча зрабіць твар сваёй арганізацыі больш пазнавальным і папулярным, гатовы асвойваць беларускую медыяпрастору і не думае, што ведае пра піяр усё.

    Піяр узнікае там, дзе адчуваюць патрэбу ў кантактах з грамадскасцю. Гэта вельмі доўгая і карпатлівая праца, якая можа адгукнуцца самымі нечаканымі і, мяркуем, прыемнымі вынікамі.

    ПАСЛЯ ЗАКАНЧЭННЯ КУРСА СЛУХАЧЫ БУДУЦЬ ВЕДАЦЬ:

    • Як стварыць брэнд сваёй арганізацыі
    • Дзе шукаць “свае” СМІ, як наладзіць і падтрымліваць з імі кантакты
    • Што дапамагае фарміраваць інфармацыйныя плыні і кіраваць імі
    • Па якіх правілах будуецца прэс-служба і як эфектыўна кіраваць ёй
    • Чым прэс-канферэнцыя адрозніваецца ад брыфінгу і ў чым дапамагаюць дзелавыя сустрэчы з журналістамі
    • У чым карысць стратэгічнага планавання інфармацыйнай дзейнасці
    • Як пісаць прэс-рэлізы і інфармацыйныя матэрыялы
    • Як прымусіць сацсеткі “танчыць пад вашую дуду”
    • Як падрыхтавацца да выступу перад прэсай і быць лепшым у дыскусіі

    Падчас курса кожны ўдзельнік пад кіраўніцтвам трэнераў падрыхтуе ўласны праект, зарыентаваны на патрэбы сваёй арганізацыі.

    Пасля курса “Эфектыўныя прэс-службы” вы здолееце адчуваць сябе больш упэўнена ў медыяпрасторы і быць больш папулярнымі ў беларускім грамадстве.

    Лепшыя з навучэнцаў па выніках курса атрымаюць магчымасць удзелу ў семінары за мяжой у сакавіку 2016 года.

     

    ТРЭНЕРЫ: Аляксандр Коктыш, Аляксандр Люшкевіч.

     

    ДА ЎДЗЕЛУ ЗАПРАШАЮЦЦА:

    Прэс-сакратары і супрацоўнікі прэсавых служб недзяржаўных арганізацый, партый, дзяржаўных і бізнес-устаноў, журналісты, якія працуюць у галіне камунікатыўных зносін з грамадствам.

     

    АПІСАННЕ КУРСА:

    Курс “Эфектыўныя прэс-службы” распачнецца 23.01.2016 і скончыцца 19.03.2016.

    Складаецца з васьмі заняткаў, якія правядуць беларускія прафесіяналы, і майстар-класу замежных трэнераў.

    Заняткі будуць праходзіць раз на тыдзень па суботах з 11.00 да 14.00.

    Заяўкі на ўдзел ў навучальным курсе «Эфектыўныя прэс-службы» прымаюцца па электроннай пошце на адрас: baj@baj.by (з пазнакай PR) да 19 СТУДЗЕНЯ.

    Ваша заяўка павінна ўтрымліваць:

    1. Кароткі расповед пра сябе (не больш за 1 000 знакаў).

    2. Абгрунтаванне свайго жадання ўдзельнічаць у курсе.

    Колькасць удзельнікаў абмежаваная.

     

    Журналісцкі гараскоп на 2016 год 🙂

    Еўрарадыё без купюр

    Уявіце, што Facebook і ВКонтакте не існуюць…

    Любоў Каспяровіч. Кекс з рэдактарам

    Адар’я Гуштын і Ягор Марціновіч: «Адначасова пішам хвалебныя оды і зневажаем людзей»

    Сяргей Гудзілін: У 2016-м будзем паболей здзіўляць адзін аднаго!

    Вадзім Заміроўскі: На World Press Photo можа перамагчы добра зробленая human story

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці