Фонд BYSOL абвяшчае прыём заявак на гранты да 10 000 еўра (дэдлайн — 15 кастрычніка)

Да ўдзелу Фонд BYSOL заклікае беларускія арганізацыі, ініцыятывы, актывістаў, а таксама медыяпраекты ў галіне ўмацавання грамадзянскай супольнасці, абароны правоў чалавека, дэмакратыі і культуры памяці. 

Выява зроблена БАЖ пры дапамозе Chat­G­PT

Фонд BYSOL абвяшчае прыём заявак на гранты для актывістаў і грамадзянскіх ініцыятыў з мэтай падтрымкі іх праектаў, накіраваных на вырашэнне сацыяльна-палітычных праблем у Беларусі, дэмакратычныя змены і развіццё грамадзянскай супольнасці ў краіне.

Хто можа ўдзельнічаць?

Беларускія арганізацыі, ініцыятывы і актывісты ў Беларусі, Літве, Польшчы, Грузіі і Нямеччыне (якія працуюць не больш за пяць гадоў), якія рэалізуюць праекты ў галіне ўмацавання грамадзянскай супольнасці, абароны правоў чалавека, дэмакратыі і культуры памяці.

Тэрмін рэалізацыі праектаў ад 3 да 6 месяцаў (старт 1 лістапада 2024 года).

Якая сума падтрымкі?

Фонд BYSOL прадаставіць на конкурснай аснове падтрымку як мінімум 10 праектам на агульную суму — 62 000 еўра.

Міні-гранты: праекты з бюджэтам да 5 000 еўра.

Мідзі-гранты: праекты з бюджэтам да 10 000 еўра — для ініцыятыў і актывістаў, якія маюць досвед паспяховай рэалізацыі папярэдніх грантавых праектаў (не абавязкова з праграмамі BYSOL).

Што можа быць падтрымана?

- Праекты, накіраваныя на ўмацаванне грамадзянскай супольнасці.

- Праекты, накіраваныя на абарону правоў чалавека.

- Праекты, накіраваныя на падтрымку сацыяльна-уразлівых груп насельніцтва Беларусі, якія пацярпелі ад рэпрэсій.

- Валанцёрскія ініцыятывы, якія дапамагаюць рэпрэсаваным беларусам.

- Праекты, накіраваныя на развіццё дэмакратычных прынцыпаў і вырашэнне сацыяльна-палітычных праблем унутры Беларусі.

- Праекты, накіраваныя на працу з тэмай культуры памяці.

Як падаць заяўку?

Перайдзіце на сайт initiatives.bysol.org, азнаёмцеся з правіламі і запоўніце заяўку! Заяўкі прымаюцца па 15 кастрычніка 2024 уключна.

Пытанні па запаўненні заяўкі можна задаць у тг-акаўнце: @bysol_ini­tia­tives.