Вэбінар «Фінансаванне медыя: не толькі донары» (дэдлайн — 29 верасня)
16 верасня 2026
Як медыям у экзайле шукаць фінансаванне і не залежыць ад адной крыніцы даходу? Якія магчымасці адкрываюць фандрайзінг, краўдфандынг, камерцыйная рэклама і манетызацыя платформаў?
30 верасня на вэбінары з Марыяй Малевіч, прадзюсаркай і галоўнай рэдактаркай «Маланка Медыя» пагаворым пра тое, як сёння ўладкаванае фінансаванне беларускіх медыя і якія магчымасці варта ўлічваць пры планаванні даходаў рэдакцыі.
У праграме:
- Фандрайзінг – галоўныя трэнды і антытрэнды 2026 года, чаканні ад 2027-га. Абмяркуем, як краўдфандынг можа стаць часткай агульнай фандрайзінгавай стратэгіі.
- Манетызацыя платформаў – магчымасці і абмежаванні манетызацыі YouTube і TikTok.
- Рэклама і партнёрства – як працаваць з камерцыйнай рэкламай і будаваць адносіны з рэкламадаўцамі.
- Практыка – паспрабуем стварыць прапанову, якую можна адрасаваць не толькі донарам, але і прыватным партнёрам.
Фармат: анлайн, 2,5 гадзіны (з 10-хвілінным перапынкам).
Калі: 30 верасня 2026 года, 17:00 – 19:30 (Варшава) / 18:00 – 20:30 (Вільнюс).
Як трапіць
Удзел бясплатны. Колькасць месцаў абмежаваная.
Рэгістрацыя адкрытая да 29 верасня 2026 года, 17:00 (Вільнюс).
РЭГІСТРАЦЫЯ
Удзельнікі і ўдзельніцы, якія пройдуць конкурсны адбор, атрымаюць на свой e‑mail спасылку на трансляцыю за суткі і за гадзіну да пачатку вэбінару.
Вэбінар арганізуюць нямецкая некамерцыйная арганізацыя dekoder і Беларуская асацыяцыя журналістаў.
Калі ў вас засталіся пытанні пра вэбінар, пішыце нам: uchimonline5@gmail.com
@bajmedia
